Today: 15 Aug 2020 GMT   Tell Your Friend
Advertisements
ഇറ്റലിയിലെ ഇന്‍ഡ്യന്‍ അംബാസഡര്‍ക്ക് യാത്രയയപ്പു നല്‍കി
Photo #1 - Europe - Otta Nottathil - farewell_ambassador_reenat_sandhu_italy
റോം: കഴിഞ്ഞ മൂന്നു വര്‍ഷക്കാലത്തിലേറെയായി ഇറ്റലിയിലെ ഇന്‍ഡ്യന്‍ അംബാസഡറായി സ്തുത്യര്‍ഹമായ സേവനം ചെയ്ത ശേഷം സ്ഥലം മാറി ഡല്‍ഹിയിലേയ്ക്കു പോവുന്ന അംബാസഡര്‍ റീനറ്റ് സാന്ധുവിന് ഇറ്റലിയിലെ മലയാളി സംഘടനകളും ഇന്‍ഡ്യന്‍ എംബസിയിലെ സഹപ്രവര്‍ത്തകരും ചേര്‍ന്ന് ഊഷ്മളമായ യാത്രയയപ്പ് നല്‍കി.

മലയാളി ഐഎഫ്എസ് ഓഫീസര്‍ ശ്യാംചന്ദ് സി. ചടങ്ങിന് നേതൃത്വം കൊടുത്തു. അംബാസഡര്‍ എന്ന നിലയില്‍ റീനറ്റ് സാന്ധു ഇറ്റലിയിലെ ഇന്‍ഡ്യാക്കാര്‍ക്ക് എന്നും ഒരു തുണയായിരുന്നു എന്ന് പങ്കെടുത്ത വിവിധ മലയാളി സംഘടനാ ഭാരവാഹികള്‍ ആശംസാ പ്രസംഗത്തില്‍ പറഞ്ഞു.

പി.എം.എഫ് ഗ്ളോബല്‍ എക്സിക്യൂട്ടീവ് ബിനോയ് കരവാളൂര്‍ അംബാസഡറിന് മെമന്റോയും സമ്മാനവും നല്‍കി ആദരിച്ചു. ചടങ്ങില്‍ പങ്കെടുത്ത അലിക് സെക്രട്ടറി ബെന്നി വെട്ടിയാടന്‍, അലിക് കമ്മറ്റിയംഗം ജോമോന്‍, സീറോ മലബാര്‍സഭയെ പ്രതിനിധീകരിച്ച് ഇറ്റലിയിലെ നാപ്പോളിയില്‍ നിന്നും ഫാ.ജോബി ചിറക്കോട്ട്, ഡബ്ള്യു.എം.എഫ് പ്രതിനിധി ശ്രീജ എന്നിവരും അംബാസഡറിന് ഉപഹാരങ്ങള്‍ നല്‍കി.

എംബസിയിലെ ഡെപ്യൂട്ടി ചീഫ് ഓഫ് മിഷന്‍ നീഹാരിക സിംഗ്, തോമസ്, വിന്‍സെന്റ് (സ്ററാഫ് )എന്നിവരും പങ്കെടുത്തു. സ്നേഹനിര്‍ഭരമായ യാത്രയയപ്പിന് അംബാസഡര്‍ റീനറ്റ് സാന്ധു നന്ദി പറഞ്ഞു.

1989 ല്‍ ഇന്ത്യന്‍ ഫോറിന്‍ സര്‍വീസില്‍ പ്രവേശിച്ച അംബാസഡര്‍ റീനത് സാന്ധു മോസ്കോ, കീവ്, വാഷിംഗ്ടണ്‍ ഡിസി, കൊളംബോ, ന്യൂയോര്‍ക്ക്, ജനീവ എന്നിവയുള്‍പ്പെടെ വിദേശത്ത് ഇന്ത്യന്‍ മിഷനുകളില്‍ സേവനമനുഷ്ഠിച്ചിട്ടുണ്ട്. ന്യൂഡല്‍ഹിയിലെ വിദേശകാര്യ മന്ത്രാലയത്തിന്റെ ആസ്ഥാനത്തും നിക്ഷേപവും വാണിജ്യ ഉന്നമന പ്രോജക്ടുകളില്‍ കിഴക്കന്‍ യൂറോപ്പ്, ശ്രീലങ്ക ഉള്‍പ്പടെ കൈകാര്യം ചെയ്തിട്ടുണ്ട്.

2011/14 കാലയളവില്‍ ജനീവയിലെ ലോകവ്യാപാര സംഘടനയില്‍ ഇന്‍ഡ്യയുടെ ഡെപ്യൂട്ടി സ്ഥാനപതിയായിരുന്നു അംബാസഡര്‍ സാന്ധു. ഇറ്റലിയിലേക്കുള്ള നിയമനത്തിന് മുമ്പ് വാഷിംഗ്ടണ്‍ ഡിസിയിലെ ഇന്ത്യന്‍ എംബസിയില്‍ ഡെപ്യൂട്ടി ചീഫ് ഓഫ് മിഷന്‍ ആയിരുന്നു.

ദില്ലി സ്കൂള്‍ ഓഫ് ഇക്കണോമിക്സില്‍ നിന്ന് സാമ്പത്തിക ശാസ്ത്രത്തില്‍ ബിരുദാനന്തര ബിരുദധാരിയാണ് അംബാസഡര്‍ റീനറ്റ് സന്ധു. അമേരിക്കയിലെ ഇന്‍ഡ്യന്‍ അംബാസഡര്‍ തരഞ്ജിത് സിംഗ് സാന്ധുവാണ് ഭര്‍ത്താവ്. ഈ ദമ്പതികള്‍ക്ക് രണ്ട് മക്കളാണുള്ളത്.
- dated 23 Jul 2020


Comments:
Keywords: Europe - Otta Nottathil - farewell_ambassador_reenat_sandhu_italy Europe - Otta Nottathil - farewell_ambassador_reenat_sandhu_italy,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us