Today: 23 Nov 2017 GMT   Tell Your Friend
Advertisements
ജര്‍മനി ആദ്യമായി കോണ്‍ഫെഡറേഷന്‍ കപ്പില്‍ മുത്തമിട്ടു
Photo #1 - Europe - Sports - confederation_football_germany_champions
Photo #2 - Europe - Sports - confederation_football_germany_champions
സെന്റ്പീറ്റേഴ്സ്ബുര്‍ഗ്: കോണ്‍ഫെഡറേഷന്‍ ഫുട്ബോള്‍ കപ്പ് ഫൈനലില്‍ ലോകചാമ്പ്യന്മാരായ ജര്‍മനി ചിലിയെ മുട്ടുകുത്തിച്ചു കിരീടം നേടി. ഏകപക്ഷീയമായ ഒരു ഗോളിനാണ്് ലാറ്റിനമേരിക്കന്‍ കപ്പ് തുടര്‍ച്ചയായി നേടിയ ചിലിയെ തുരത്തിയത്. ഇരുപതാം മിനിറ്റില്‍ കുന്തമുനപോലെ കുതിച്ച ലാര്‍സ് സ്ററിന്‍ഡലിന്റെ ബൂട്ടില്‍ നിന്നുതിര്‍ത്ത ഗോളാണ് ജര്‍മനിയ്ക്ക് കപ്പ് നേടിക്കൊടുത്തത്. ചരിത്രത്തില്‍ ഇതാദ്യമായാണ് ജര്‍മനി കോണ്‍ഫെഡറേഷന്‍ കപ്പ് കരസ്ഥമാക്കുന്നത്. ജര്‍മനിയുടെ കോച്ച് ജോവാഹിം ലോ കണ്ടെടുത്ത യുവരക്തം നിറഞ്ഞ മിടുക്കന്മാര്‍ കപ്പ് നേടിയതിലൂടെ ജര്‍മനിയുടെ അഭിമാനമായി മാറി. ലോകകപ്പും കോണ്‍ഫെഡറേഷന്‍സ് കപ്പും നേടുന്ന രണ്ടാമത്തെ ടീമെന്ന ബഹുമതിയും ജര്‍മനി ഇതോടെ കൈവരിച്ചു. മുന്‍പ് ഫ്രാന്‍സാണ് ഈ നേട്ടം കൈവരിച്ചിട്ടുള്ളത്.

ടോസ് നേടിയ ചിലി കളി തുടങ്ങിയ നിമിഷം മുതല്‍ അത്യന്തം ആവേശം ജ്വലിപ്പിച്ചിരുന്നു.ആദ്യത്തെ 15 മിനിറ്റുവരെ ജര്‍മനിയുടെ തട്ടകത്തില്‍ മാത്രമായി മല്‍സരം ചുരുങ്ങിയിരുന്നു. രണ്ടാം മിനിറ്റില്‍ ചിലിയുടെ സാഞ്ചസ് 28 മീറ്റര്‍ അകലെ നിന്നു ഗോളെന്നു കണക്കുകൂട്ടി പായിച്ച ഷോട്ട് നെറ്റിലെത്താതെ പോയി. ചിലിയുടെ താരങ്ങളായ അര്‍തുറോ വിദാല്‍, അലക്സിസ് സാഞ്ചസ്, വര്‍ഗാസ് എന്നിവരുടെ തള്ളിക്കയറ്റം ജര്‍മനിയെ വിറപ്പിച്ചു. ജര്‍മനിയുടെ യുവതാരങ്ങള്‍ക്ക് മിക്കപ്പോഴും പാസുകളും കൈമോശം വന്നു. ചിലിയുടെ തുടരെയുള്ള ആക്രമണങ്ങളില്‍ നിര്‍ഭാഗ്യംകൊണ്ടു മാത്രമാണ് ഗോള്‍ വീഴാതിരുന്നത്. എന്നാല്‍ അതുവരെ ഭയപ്പെട്ടു നിന്ന ജര്‍മനി എങ്ങനെയോ വര്‍ദ്ധിത വീര്യവുമായി സടകുടഞ്ഞെഴുന്നേറ്റത് ചിലിയുടെ ആക്രമണത്തിന്റെ സകല മുനയുമൊടിച്ചു മുന്നേറിയെന്നു മാത്രമല്ല ഇരുപതാം മിനിറ്റില്‍ ലക്ഷ്യം കാണുക തന്നെ ചെയ്തു. പത്തൊന്‍പതാം മിനിറ്റില്‍ ജര്‍മന്‍ തട്ടകത്തില്‍ കടന്നു വിദാല്‍ നീട്ടിയടിച്ച പന്ത് ജര്‍മന്‍ ഗോളി ടെര്‍ സ്റേറഗന്‍ തട്ടിയകറ്റിയതു തിരിഞ്ഞു വന്നത് ചിലിയുടെ തട്ടകത്തിലേയ്ക്കായിരുന്നു.

ചിലിയുടെ പ്രതിരോധഭടന്‍ ഡിയാസിന്റെ പിഴവാണ് അത് ഗോളാകാന്‍ അവസരം ഒരുക്കിയത്. വെര്‍ണറില്‍ പന്ത് എത്തുമ്പോള്‍ ഗോളി മാത്രമായിരുന്നു മുന്നില്‍. ഒപ്പം വലത്തു വശത്തായി സ്ററിന്‍ഡലും. പന്തുമായി കുതിച്ച വെര്‍ണറെ തടുക്കാന്‍ ഗോളി ശ്രമിച്ചപ്പോള്‍ വെര്‍ണര്‍ പന്ത് സ്ററിന്‍ഡലിന് കാലിലേയ്ക്കിട്ടു. സ്ററിന്‍ഡലാകട്ടെ മുന്നില്‍ ഒഴിഞ്ഞ ഗോള്‍പോസ്ററും പിന്നീട് ഒന്ന് പിറകോട്ടും നോക്കിയശേഷം അനായാസേന പന്ത് വലയിലാക്കപ്പോള്‍ ജര്‍മനിയുടെ കരുത്തും ശൗര്യവും ഉണര്‍ത്തെണീറ്റതുപോലെയായി. ഇതോടെ ഈ ടൂര്‍ണമെന്റില്‍ സ്ററിന്‍ഡല്‍ മൂന്നാം ഗോളും നേടി.

ഗോളി ബ്രാവോയുടെ കണ്‍മുന്നില്‍ ബോള്‍ ഗോളാവുന്നതും ചിലിയുടെ ശൗര്യം ചോര്‍ന്നതും ഒരുപോലെയായിരുന്നു.ആദ്യപകുതിയില്‍ തന്നെ ഒരു സമനിലമോഹിച്ച ചിലിയുടെ നിക്കങ്ങളൊക്കെയും പരാജയപ്പെടുകയായിരുന്നു.

ബോളാധിപത്യത്തിലും ആക്രമണത്തിലും ചിലി തന്നെയായിരുന്നു മുന്നില്‍. ഗോളടിയ്ക്കാനുള്ള എണ്ണമറ്റ അവസരങ്ങള്‍ സൃഷ്ടിച്ച ചിലിയന്‍പട അതുപോലെ തന്നെ അവസരങ്ങളും പാഴാക്കിയിരുന്നു. ഒരു ഗോളിനു മുന്നിലെത്തിയതോടെ ജര്‍മനിയുടെ പ്രതിരോധം മതിലായി വളര്‍ന്നുകഴിഞ്ഞിരുന്നു. പിന്‍നിരയില്‍ ഡ്രാക്സലര്‍, റൂഡിഗര്‍, കിമ്മിഷ്, റൂഡി, ഹെക്ടോര്‍ എന്നിരടങ്ങുന്ന അഞ്ചു പേരുടെ വന്‍മതില്‍ തീര്‍ത്ത് ജര്‍മനി എണ്ണയിട്ട യന്ത്രമായി നിലകൊണ്ടത് ചിലിയ്ക്ക് വിജയത്തിന്റെ ബാലികേറാ മലയായി മാറിയിരുന്നു.

എന്നാല്‍ ജര്‍മനിയുടെ ആക്രമണത്തിന് പലപ്പോഴും മൂര്‍ച്ചയില്ലാതെയും മികവില്ലാതെയും പോയി. അതുകൊണ്ടുതന്നെ ജര്‍മന്‍ മുന്നേറ്റം സ്മൂത്താകാതെയും പോയി. പാസുകളും ക്രോസുകളും കൈവിട്ടുപോകുന്ന അവസ്ഥയില്‍ കിട്ടിയ സുവര്‍ണ്ണാവസരങ്ങള്‍ ജര്‍മനി മുതലാക്കാതെയും വന്ന. ഗോള്‍ മാത്രം ഒഴിഞ്ഞുനിന്നു. അവസാന മിനിറ്റില്‍ ചിലിയ്ക്ക് ലഭിച്ച ഒരു സുവര്‍ണ്ണാവസരം ലഭിച്ച സാഞ്ചസിന്റെ ഫ്രീകിക്ക് ഏറെ ബുദ്ധിമുട്ടിയാണ് ജര്‍മന്‍ ഗോളി രൈ്‍സ്റേറഗന്‍ രക്ഷപ്പെടുത്തിയത്.

രണ്ടാം പകുതി തുടങ്ങിയപ്പോള്‍ മുതല്‍ ചിലി പരുക്കന്‍ കളിയുടെയും കൈയ്യൂക്കിന്റെയും വേദിയാക്കി മാറ്റി മല്‍സരം.അതിനിടെ രണ്ടു നാടകങ്ങളും അരങ്ങേറി. അന്‍പത്തിയൊന്‍പതാം മിനിറ്റില്‍ പന്തുമായി മുന്നേറിയ ജര്‍മനിയുടെ മുന്‍നിര താരം കിമ്മിഷിനെ ചിലിയന്‍ താരം യാരാ തടുത്തതും മുഖത്ത് മുട്ടുകൊണ്ട് ഇടിച്ചതുമാണ് പ്രശ്നമായത്. മന:പൂര്‍വമുള്ള ഫൗളിന്റെ പേരില്‍ ചുവപ്പുകാര്‍ഡിന് അര്‍ഹനായിരുന്ന യാരായ്ക്ക് മഞ്ഞക്കാര്‍ഡ് മാത്രമാണ് റഫറി നല്‍കിയത്.

അന്‍പത്തിയൊന്‍പതാം മിനിറ്റില്‍ കിമ്മിഷ് നീട്ടിയടിച്ച പന്ത് പുറത്തേക്കു പോയെങ്കിലും ഗോളിയും കിമ്മിഷുമായി നല്ലൊരു ഉരസലും നടന്നു. ഇതിന്റെ പേരില്‍ കിമ്മിഷ് ഗോളിയുമായി ഉടക്കിയത് വിദാല്‍ ഏറ്റെടുത്തപ്പോള്‍ കിമ്മിഷിന് റഫറി മഞ്ഞക്കാര്‍ഡ് നല്‍കുകയായിരുന്നു. രണ്ടാമത് എഴുപത്തിയൊന്‍പതാം മിനിറ്റില്‍ വെര്‍ണര്‍ക്കു പകരക്കാരനായി ഇറങ്ങിയ എംറി കാന്‍ തൊണ്ണൂറാം മിനിറ്റില്‍ പന്തുമായി മുന്നേറിയപ്പോള്‍ ഗോളി ബ്രാവോയില്‍ നിന്നും കിട്ടിയ ഫൗള്‍ കളിയില്‍ ആശയക്കുഴപ്പമുണ്ടാക്കി. ബ്രാവോയുടെ ഫൗള്‍ വിഡിയോ റീപ്ളേയിലൂടെ റഫറി സ്ഥിരീകരിച്ച് ബ്രാവോയ്ക്കും ജര്‍മന്‍ താരങ്ങളായ റൂഡിയ്ക്കും പന്തു പിടിച്ചുവെച്ച എംറി കാനും മഞ്ഞക്കാര്‍ഡ് നല്‍കിയത് മറ്റൊരു നാടകമായി.

സെര്‍ബിയക്കാരനായ റഫറി മിലോറാഡ് മാസിക്കിന് മഞ്ഞക്കാര്‍ഡില്‍ കൈവെയ്ക്കാനേ സമയമുണ്ടായുള്ളു. റഫറിക്ക് ഏഴ് തവണ കാര്‍ഡ് പുറത്തടുക്കേണ്ടിവന്നു.തുല്യശക്തികളായ ഇരുടീമുകളും തമ്മില്‍ ആദ്യമായാണ് കോണ്‍ഫെഡറേഷന്‍ കപ്പിന്റെ ഫൈനലില്‍ മാറ്റുരച്ചത്. ഈ ടൂര്‍ണ്ണമെന്റിന്റെ പ്രാഥമിക റൗണ്ടില്‍ ഇരുടീമുകളും തമ്മില്‍ ഏറ്റുമുട്ടിയപ്പോള്‍ സമനിലയിലാണ് പിരിഞ്ഞിരുന്നത്.

ഇക്കഴിഞ്ഞ ദിവസം അണ്ടര്‍ 21 ഫുട്ബോള്‍ യൂറോപ്യന്‍ കിരീടം നേടിയ ജര്‍മനിയ്ക്ക് കോണ്‍ഫെഡറേഷന്‍ കപ്പ് കൂടി ലഭിച്ചതോടെ വിജയത്തിന്റെ ഇരട്ടതിളക്കവും നിലവിലെ ലോകകപ്പ് ചാമ്പ്യന്മാരുടെ പദവിയ്ക്ക് ഇരട്ടിമധുരവുമായി.

കഴിഞ്ഞ 11 വര്‍ഷമായി ജര്‍മന്‍ ടീമിന് ഈ നിലയിലേയ്ക്കെത്തിച്ച കോച്ച് ജോവാഹിം ലോവിന് സന്തോഷിയ്ക്കാന്‍ ഇപ്പോള്‍ ഏറെ വകയുണ്ട്.

കിരീടധാരണം അത്യന്തം വിശേഷം നിറഞ്ഞതായിരുന്നു. ഫിഫ പ്രസിഡന്റ് ഇന്‍ഫന്റീനോ അര്‍ജന്റീനിയന്‍ ഫുട്ബോള്‍ ലെജന്‍ഡെ ഡീഗോ മറഡോണ, ബ്രസീല്‍ ലോകകപ്പ് മുന്‍ക്യാപ്റ്റന്‍ റൊണാള്‍ഡോ തുടങ്ങിയവര്‍ ഫൈനല്‍ മല്‍സരവേദിയില്‍ ഉണ്ടായിരുന്നു. ജര്‍മന്‍ ടീമിനു വേണ്ടി നായകന്‍ ഡ്രാക്സലര്‍ ഫിഫ പ്രസിഡന്റില്‍ നിന്നും ഏറ്റുവാങ്ങി. ഫെയര്‍ പ്ളേ അവാര്‍ഡിന് ജര്‍മനി അര്‍ഹമായി.

അടുത്ത ലോകകപ്പിലേയ്ക്കുള്ള ആദ്യപടിയായി കോണ്‍ഫെഡറേഷന്‍ വിജയത്തെ കോച്ച് ജോവാഹിം ലോ വിശേഷിപ്പിച്ചു.ഫൈനല്‍ മല്‍സരത്തിന്റെ തല്‍സമയ സംപ്രേക്ഷണം 14,69 മില്യന്‍ ആളുകള്‍ കണ്ടുവെന്നാണ് ആദ്യറിപ്പോര്‍ട്ടുകള്‍.

മികച്ച കളിക്കാരന്‍: ജൂലിയാന്‍ ഡ്രാക്സലര്‍ (ജര്‍മനി)

മികച്ച കളിക്കാരനായി (ഗോള്‍ഡന്‍ ബോള്‍) തെരഞ്ഞെടുക്കപ്പെട്ട ജര്‍മനിയുടെ നായകനും ഇരുപത്തിമൂന്നുകാരനുമായ ജൂലിയാന്‍ ഡ്രാക്സലര്‍ പാരീസ് സെന്റ് ഗെര്‍മയിന്റെ കളിക്കാരനാണ്. 2014 ലെ ബ്രസീല്‍ ലോകകപ്പില്‍ ജര്‍മനിയ്ക്കുവേണ്ടി കളിയ്ക്കുകയും ലോകചാമ്പ്യന്മാരുടെ പട്ടികയിലെ അംഗവുമാണ്.

മികച്ച ഗോളി : ക്ളൗഡിയോ ബ്രാവോ(ചിലി)

മികച്ച ഗോളിയായി (ഗോള്‍ഡന്‍ ബൂട്ട്, ഗോള്‍ഡന്‍ ഗ്ളോവ്) മുപ്പത്തിനാലുകാരനായ ചിലിയുടെ ഗോളി ക്ളൗഡിയോ ബ്രാവോ പുരസ്കാരം ഏറ്റുവാങ്ങി. ചിലി, പോര്‍ച്ചുഗല്‍ സെമിഫൈനലില്‍ പെനാല്‍റ്റി ഷൂട്ടൗട്ടില്‍ ഒരു ഗോളിനു പോലും വഴങ്ങാതെയാണ് ബ്രാവോ ചിലിയെ ഫൈനലില്‍ എത്തിച്ചത്.

ടോപ്പ് സ്കോറര്‍ : ടിമോ വെര്‍ണര്‍(ജര്‍മനി)

ടൂര്‍ണ്ണമെന്റില്‍ ഏറ്റവും കൂടുതല്‍ ഗോള്‍ നേടിയ താരം എന്ന ബഹുമതി ജര്‍മനിയുടെ മുന്‍നിര കളിക്കാരന്‍ ടിമോ വേര്‍ണര്‍ കരസ്ഥമാക്കി.ആര്‍ബി ലൈപ്സിഷിന്റെ കളിക്കാരനായ ഈ ഇരുപത്തിയൊന്നുകാരന്‍ ജര്‍മന്‍ ദേശീയ ടീമിലെ പുതുമുഖമാണ്.
- dated 02 Jul 2017


Comments:
Keywords: Europe - Sports - confederation_football_germany_champions Europe - Sports - confederation_football_germany_champions,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us