Today: 16 Dec 2017 GMT   Tell Your Friend
Advertisements
കാറുകള്‍ക്ക് വില കൂടും
Photo #1 - India - Finance - 308201710
ന്യൂഡല്‍ഹി: ഇടത്തരം കാറുകള്‍, വലിയ കാറുകള്‍, എസ്യുവികള്‍, ആഡംബര കാറുകള്‍ എന്നിവയുടെ ജിഎസ്ടി നിരക്കില്‍ മാറ്റം വരുത്തിക്കൊണ്ട് കേന്ദ്ര സര്‍ക്കാര്‍ ഉടന്‍ ഓര്‍ഡിനന്‍സ് പുറത്തിറക്കും. ജിഎസ്ടിക്ക് പുറമേ ഇപ്പോള്‍ ഈടാക്കുന്ന പരമാവധി 15 ശതമാനം വരെ ഈടാക്കുന്ന സെസ് 25 ശതമാനം വരെയാക്കി ഉയര്‍ത്താനാണ് തീരുമാനം. സെസ് ഉയര്‍ത്താന്‍ ഓഗസ്ററില്‍ ചേര്‍ന്ന ജിഎസ്ടി കൗണ്‍സില്‍ യോഗം തീരുമാനിച്ചിരുന്നു. നിരക്കുകളില്‍ മാറ്റം വരുത്തണമെങ്കില്‍ ജിഎസ്ടി നിയമത്തിലെ എട്ടാം വകുപ്പ് ഭേദഗതി ചെയ്യേണ്ടതുണ്ട്.

പാര്‍ലമെന്‍റ് സമ്മേളിക്കാത്ത സമയമായതിനാല്‍ തല്‍ക്കാലത്തേക്ക് ഓര്‍ഡിനന്‍സ് പുറത്തിറക്കാനാണ് കേന്ദ്ര സര്‍ക്കാറിന്‍റെ തീരുമാനം. ഇക്കാര്യത്തില്‍ വിവിധ മന്ത്രാലയങ്ങളുടെ അഭിപ്രായം കൂടി ആരാഞ്ഞതിന് ശേഷമായിരിക്കും നടപടി. കാറുകള്‍ക്ക് ഇപ്പോള്‍ ഈടാക്കുന്ന 28 ശതമാനം ജിഎസ്ടിക്ക് പുറമേ ഒരു ശതമാനം മുതല്‍ 15 ശതമാനം വരെ സെസും ഈടാക്കുന്നുണ്ട്. ഇത് 25 ശതമാനം വരെയാക്കും. നിയമം ഭേദഗതി ചെയ്ത് ഓര്‍ഡിനന്‍സ് പുറത്തിറക്കിയാല്‍ ഇത് എന്നുമുതല്‍ പ്രാബല്യത്തില്‍ വരുമെന്ന കാര്യം ജിഎസ്ടി കൗണ്‍സിലായിരിക്കും തീരുമാനിക്കുന്നത്.

ജിഎസ്ടിക്ക് മുമ്പ് വിവിധ ഇനങ്ങളില്‍ 52 മുതല്‍ 54.72 ശതമാനം വരെ നികുതി ഈടാക്കിയിരുന്നു. എന്നാല്‍ ജിഎസടിയില്‍ ഇത് 43 ശതമാനം വരെ മാത്രമാണ്. ഇതുമൂലം ഉണ്ടാകുന്ന നികുതി നഷ്ടം ഒഴിവാക്കാനാണ് സെസ് 10 ശതമാനം കൂടി വര്‍ദ്ധിപ്പിക്കുന്നത്. ജൂലൈ ഒന്നിന് ജിഎസ്ടി പ്രാബല്യത്തില്‍ വന്നതിന് ശേഷം എസ്യുവികള്‍ക്ക് 1.1 ലക്ഷം മുതല്‍ മൂന്ന് ലക്ഷം വരെ വില കുറഞ്ഞിട്ടുണ്ട്. സെസ് വര്‍ധിക്കുന്നതോടെ ഇത് ഇല്ലാതാകും. വില പഴയതിന് സമാനമാവുകയും ചെയ്യും.

എന്നാല്‍ ചെറിയ കാറുകള്‍ക്ക് ബാധകമാവുന്ന സെസ് വര്‍ദ്ധിപ്പിക്കില്ല. 4 മീറ്റര്‍ വരെ നീളവും 1200 സി.സിയില്‍ താഴെ എഞ്ചിനുമുള്ള പെട്രോള്‍ വാഹനങ്ങള്‍ക്ക് ഒരു ശതമാനം മാത്രമാണ് സെസ്. നാല് മീറ്ററില്‍ താഴെ നീളവും 1500 സിസിക്ക് താഴെ എന്‍ജിനുമുള്ള ഡീസല്‍ വാഹനങ്ങള്‍ക്ക് മൂന്ന് ശതമാനം സെസാണ് ഈടാക്കുന്നത്. ഇത് രണ്ടും അങ്ങനെ തന്നെ തുടരാനാണ് കേന്ദ്ര സര്‍ക്കാരിന്‍റെ തീരുമാനം.
- dated 29 Aug 2017


Comments:
Keywords: India - Finance - 308201710 India - Finance - 308201710,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us