ഊന്നുകല്ല്, കുട്ടമംഗലം സ്വദേശി തളിച്ചിറയില് ടി.കെ. കുര്യാക്കോസ്, ഇടുക്കി മുരിക്കാശ്ശേരി ചിറപ്പുറത്ത് സി.എ. എബ്രഹാം, എബ്രഹാമിന്റെ ഭാര്യ ബീന എബ്രഹാം എന്നിവരെയാണ് മുരിക്കാശ്ശേരി സിഐ അനില് കുമാറിന്റെ നേതൃത്വത്തിലുള്ള സംഘം അറസ്ററ് ചെയ്തത്.
ഇടുക്കി മുള്ളരിക്കുട്ടി സ്വദേശി ഫിലിപ്പ് വര്ഗീസിന്റെ പരാതിയെത്തുടര്ന്നാണ് പൊലീസ് അന്വേഷണം തുടങ്ങിയത്. ഇസ്രായേലിലേക്ക് വിസ വാഗ്ദാനം ചെയ്ത് ഏഴു ലക്ഷം രൂപ ഇവര് ഫിലിപ്പില്നിന്ന് വാങ്ങിയിരുന്നു. പിന്നീട് പല തവണ പണം ആവശ്യപ്പെട്ടതല്ലാതെ ജോലി കിട്ടിയില്ല. തുടര്ന്നാണ് പരാതി നല്കിയത്.
ഒന്നാം പ്രതിയായ കുര്യാക്കോസിന്റെ നേതൃത്വത്തില് തലക്കോട്, അടിമാലി, മുരിക്കാശേരി എം ആന്ഡ് കെ ഗ്ളോബല് സൊല്യൂഷന്സ് എന്ന പേരില് നടത്തിയിരുന്ന റിക്രൂട്ടിങ് ഏജന്സി കേന്ദ്രീകരിച്ചായിരുന്നു തട്ടിപ്പ്.
പണം നല്കിയവര് പരാതിയുമോയി പൊലീസിനെ സമീപിച്ചതോടെ ഇവര് ഓഫിസുകള് പൂട്ടി മുങ്ങി. ആഴ്ച്ചകള് നീണ്ട അന്വേഷണത്തിനൊടുവില് തൊടുപുഴയില് നിന്നു രണ്ടും മൂന്നും പ്രതികളെ മുരിക്കാശ്ശേരി പൊലീസ് കസ്ററഡിയിലെടുത്തു. രണ്ടാം പ്രതിയില് നിന്നും ലഭിച്ച വിവരങ്ങളുടെ അടിസ്ഥാനത്തില് ആലുവയില് നിന്നാണ് ഒന്നാം പ്രതി കുര്യാക്കോസിനെ പിടികൂടിയത്. കേരളത്തിലെ വിവിധ ജില്ലകളില് നിന്നായി മുന്നൂറിലധികം ആളുകള് ഇവരുടെ തട്ടിപ്പിനിരയായിട്ടുണ്ടെന്ന് പൊലീസ് പറഞ്ഞു.

Comments: