Advertisements
|
മാര്‍ മാത്യു അറയ്ക്കല്‍ സപ്തതി നിറവില്‍
സ്വന്തം ലേഖകന്‍
കാഞ്ഞിരപ്പള്ളി: കാഞ്ഞിരപ്പള്ളി രൂപതാധ്യക്ഷനും ഫെഡറേഷന്‍ ഓഫ് ഏഷ്യന്‍ ബിഷപ്സ് കോണ്‍ഫറന്‍സ് അല്മായ~ഫാമിലി കമ്മീഷന്‍ അംഗവുമായ മാര്‍ മാത്യു അറയ്ക്കലിന് ഇന്ന് എഴുപതാം പിറന്നാള്‍. വിശ്വാസ വിദ്യാഭ്യാസ സാമൂഹിക രംഗങ്ങളില്‍ സ്വന്തമായ ശൈലിക്കു രൂപം നല്‍കിയ മാര്‍ മാത്യു അറയ്ക്കല്‍ കേന്ദ്ര~സംസ്ഥാന ഗവണ്‍മെന്റുകളുടെ വിവിധ കമ്മിറ്റികളിലും കമ്മീഷനുകളിലും അംഗമാണ്.
വിവിധ രാജ്യങ്ങളില്‍ കഴിയുന്ന സീറോ മലബാര്‍ സഭാംഗങ്ങളെ മാതൃസഭയോട് കൂടുതല്‍ അടുപ്പിക്കാനും കൂട്ടായ്മയില്‍ വളര്‍ത്താനും അല്മായ കമ്മീഷന്‍ ചെയര്‍മാന്‍ എന്ന നിലയില്‍ പ്രവര്‍ത്തിച്ചു. 35 രാജ്യങ്ങളില്‍ സീറോ മലബാര്‍ സഭാംഗങ്ങളുടെ കൂട്ടായ്മ രൂപീകരിച്ചു വിശ്വാസപരമായ ചൈതന്യം വളര്‍ത്തി. കാക്കനാട് മൗണ്ട് സെന്റ് തോമസില്‍ സംഘടിപ്പിച്ച പ്രഥമ ആഗോള അല്മായ സിനഡില്‍ ഇരുപതിലേറെ രാജ്യങ്ങളില്‍ നിന്നുള്ള പ്രതിനിധികളെ പങ്കെടുപ്പിച്ചു.
പീരുമേട് ഡെവല്പ്മെന്റ് സൊസൈറ്റി (പിഡിഎസ്) സ്ഥാപക എക്സിക്യൂട്ടീവ് ഡയറക്ടറായിരിക്കെ കാര്‍ഷികമേഖലയ്ക്കും ഹൈറേഞ്ചിന്റെ സമഗ്രപുരോഗതിക്കും സംഭാവനകള്‍ നല്‍കി. ജൈവകൃഷി, ജൈവോത്പന്ന സംസ്കരണം, വിപണനം എന്നിവയില്‍ ലോക നിലവാരം പുലര്‍ത്തുന്ന സ്ഥാപനമാണ് പിഡിഎസ്. ആദിവാസി സാക്ഷരത, പിന്നോക്ക വിഭാഗങ്ങളുടെ കാര്‍ഷിക സ്വയംപര്യാപ്തത എന്നിവയിലും ശ്രദ്ധപുലര്‍ത്തി.
രൂപതാധ്യക്ഷനെന്ന നിലയില്‍ കാഞ്ഞിരപ്പള്ളി അമല്‍ജ്യോതി എന്‍ജിനീയറിംഗ് കോളജ്, കുട്ടിക്കാനം മരിയന്‍ കോളജ്, മരിയന്‍ ഇന്‍സ്ററിറ്റ്യൂട്ട് ഓഫ് മാനേജ്മെന്റ്, സഹ്യാദ്രി ക്രെഡിറ്റ് സൊസൈറ്റി, സഹ്യാദ്രി ആയുര്‍വേദ കേന്ദ്രം, ഹൈറേഞ്ച് മെഡിക്കല്‍ സെന്റര്‍ തുടങ്ങി നിരവധി പ്രമുഖ സ്ഥാപനങ്ങളുടെ സാരഥ്യം വഹിക്കുന്നു. ഉന്നത വിദ്യാഭ്യാസ രംഗത്ത് കേരളത്തിലെ മാതൃകാ സ്ഥാപനങ്ങളായി അമല്‍ ജ്യോതിയും മരിയന്‍ കോളജും അറിയപ്പെടുന്നു.
കേരള സോഷ്യല്‍ സര്‍വീസ് ഫോറം ചെയര്‍മാന്‍, കെസിബിസി ജസ്ററീസ്, പീസ് ആന്‍ഡ് ഡെവലപ്മെന്റ് ചെയര്‍മാന്‍, കേന്ദ്ര ആസൂത്രണബോര്‍ഡ് ഉപദേശകസമിതിയംഗം, സിബിസിഐ പിന്നോക്കവിഭാഗക്ഷേമ കമ്മീഷന്‍ അംഗം, റെഡ് ക്രോസ് സൊസൈറ്റി സെക്രട്ടറി തുടങ്ങിയ നിലകളിലും പ്രവര്‍ത്തിച്ചു.
എരുമേലി അറയ്ക്കല്‍ കുടുംബാംഗമായ പിതാവ്, പാറേല്‍ പെറ്റി സെമിനാരി, വടവാതൂര്‍ സെന്റ് തോമസ് അപ്പസ്തോലിക് സെമിനാരി എന്നിവടങ്ങളില്‍ വൈദിക പരിശിലനത്തിനുശേഷം 1971 മാര്‍ച്ച് 13ന് മാര്‍ ആന്റണി പടിയറയില്‍ നിന്ന് വൈദിക പട്ടം സ്വീകരിച്ചു. തെക്കന്‍ മിഷനിലെ അമ്പൂരി ഇടവകയില്‍ ആത്മീയ ശുശ്രൂഷ ആരംഭിച്ചു. കേരളത്തിലെ പ്രഥമ ലേബര്‍ കോ ഓപ്പറേറ്റീവ് സൊസൈറ്റിയുടെ തുടക്കം കുറിച്ചത് ഇക്കാലത്താണ്. |
|
- dated 09 Dec 2013
|
|
|
|
Comments:
Keywords: India - Samakaalikam - marmathewarackalseventy India - Samakaalikam - marmathewarackalseventy,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
