Today: 14 Dec 2019 GMT   Tell Your Friend
Advertisements
ക്രിസ്തീയ ഭക്തിഗാന ശേഖരം സമൃദ്ധി ; വചനസംഗീതത്തിന്റെ സമ്പല്‍ സമൃദ്ധിയായി ജനഹൃദയങ്ങളില്‍
Photo #1 - U.K. - Arts-Literature - samrudhicdavalokanam
ഇടയന്‍ കമ്യൂണിക്കേഷന്റെ ബാനറില്‍ പുറത്തിറങ്ങിയ പുതിയ ക്രിസ്തീയ ഭക്തിഗാനശേഖരമായ സമൃദ്ധി എന്ന ആല്‍ബം വിശ്വാസഹൃദയങ്ങളില്‍ സമൃദ്ധിയുടെ വചനം നിറയ്ക്കുന്നു.

രചനയുടെയും ആലാപനത്തിന്റെയും സംഗീതത്തിന്റെയും ഹൃദ്യതയില്‍ കൃപാവരത്തിന്റെ സൂര്യകിരണങ്ങള്‍ തഴുകിയോലുന്ന ദിവ്യാനുഭൂതി പകരുന്ന അതിമനോഹര ഗാനങ്ങളാല്‍ സമ്പല്‍ സമൃദ്ധമാണ് എംസിബിഎസ് സന്യാസ സഭാംഗമായ ഫാ. മൈക്കിള്‍ കൂട്ടുങ്കലിന്റെ തൂലികയില്‍ വിരിഞ്ഞ സമൃദ്ധി.

പേരുപോലെ തന്നെ സമൃദ്ധമാണ് അതിലെ ഉള്ളടക്കവും. ലളിതമായ വരികളില്‍ തെളിഞ്ഞിരിയ്ക്കുന്ന അര്‍ത്ഥ സമ്പുഷ്ടതയെ തരളിതമായ സംഗീത ചാരുതയാല്‍ ചിട്ടപ്പെടുത്തി അനുവാചക ഹൃദയങ്ങില്‍ അലിഞ്ഞിറങ്ങുന്ന അനുരൂപമായ ആവിഷ്ക്കാരമാണ് സമൃദ്ധിയുടെ ജീവന്‍. ജേക്കബ് കൊരട്ടിയുടെ അനന്യമായ സംഗീതസമൃദ്ധി കാവ്യഭംഗിയാര്‍ന്ന ഈരടികളെ അനര്‍ഘള ഭാവത്തിലൂടെ മിഴിവേകുമ്പോള്‍ ആലാപന ശൈലിയില്‍ ഭാവഗായകരുടെ ശബ്ദസൗകുമാര്യം അന്തര്‍സ്ഫുരണങ്ങളായി ഹൃദയത്തെ തലോടുന്നു.

ദിവ്യബലിയിലും, ദിവ്യകാരുണ്യസ്വീകരണത്തിലും, പ്രാര്‍ത്ഥനാവേളയിലും മാത്രമല്ല ഈശ്വരചിന്ത മനസില്‍ ഓടിയെത്താന്‍ വഴിയൊരുക്കുമ്പോഴെല്ലാം കേള്‍ക്കാന്‍ കൊതിയ്ക്കുന്ന സുഗന്ധസൗരഭ്യമൂറുന്ന ഗാനങ്ങളാണ് സമൃദ്ധിയുടെ ഉള്‍ക്കാമ്പ്. അള്‍ത്താരയില്‍ എരിയും തിരികള്‍ക്കെത്തു വെളിച്ചം .., ഒന്നും നേടുവാനല്ലെങ്കിലും .. . . പാടേ തകര്‍ന്നപ്പോള്‍ ... ലഹരിയ്ക്കുള്ളിലെ പാട്ട് ... ഈശോയെ ഈ കൈകളില്‍ തുടങ്ങിയ ഗാനങ്ങള്‍ ഒരിയ്ക്കല്‍ കേള്‍ക്കുമ്പോള്‍തന്നെ മനസിന്റെ സ്മൃതിയില്‍ അലിഞ്ഞിറങ്ങുന്ന ആത്മവചനങ്ങളാവുന്നത് ദൈവസ്പര്‍ശനത്തിന്റെ സമൃദ്ധികൊണ്ടുതന്നെ. യാന്ത്രികമായ ജീവിതത്തില്‍ നിറങ്ങളുടെ നിഴലുകളില്‍ അലയുന്ന സൈബര്‍ മനുഷ്യന് സമൃദ്ധിയിലെ ഗാനങ്ങള്‍ ആശ്വാസത്തിന്റെ കുളിരേകുമെന്നു നിസംശയം പറയാം. അതുകൊണ്ടു തന്നെ അനവധി തവണ കേട്ടതിന്റെ ആലസ്യത്തില്‍ ഒരിയ്ക്കല്‍ക്കൂടി ഈ ഗാനോപഹാരം വീണ്ടും ആസ്വദിയ്ക്കണമെന്ന ചിന്ത സമൃദ്ധിയായി സ്നേഹഹൃത്തില്‍ വളരുകയും മഹത്തരമായിത്തീരുകയും ചെയ്യും.

വൈദ്യന്‍ എന്ന ആദ്യ ആല്‍ബത്തിലൂടെ ഫാ. മൈക്കിള്‍ കൂട്ടുങ്കല്‍ ജനഹൃദയങ്ങളില്‍ സ്ഥാനം നേടിയിരുന്നു. ഇപ്പോഴിതാ സമൃദ്ധിയിലൂടെ ഭക്തിയുടെയും ദര്‍ശനങ്ങളുടെയും കാവ്യാത്മകത സംയുക്തമായി ഇഴുകിച്ചേരുന്നു. സമൃദ്ധിയുടെ തേന്‍തുള്ളികളായി പൊഴിയുന്നു.

വിഡിയോ:

ഗാനം

ഒന്നും നേടുവാനല്ലെങ്കിലും നിന്നെ തേടി ഞാനണയും



ഗാനം:

തിരുവോസ്തിയില്‍ ...