വിമാനത്തിനുള്ളിലെ സീറ്റുകള്‍, ട്രേ ടേബിളുകള്‍, കാര്‍പെറ്റുകള്‍, ശുചിമുറികള്‍, ക്യാബിന്‍ പാനലുകള്‍ എന്നിവയുടെ സൂക്ഷ്മമായ ശുചിത്വ നിലവാരം വിലയിരുത്തി യാത്രക്കാര്‍ നേരിട്ട് നല്‍കിയ റേറ്റിംഗിന്റെ അടിസ്ഥാനത്തിലാണ് പുരസ്കാരം.
ആദ്യ പത്തില്‍ ഏഷ്യന്‍ ആധിപത്യം; ഖത്തര്‍ എയര്‍വേയ്സ് ഏഴാമത്
ലോകത്തിലെ ഏറ്റവും വൃത്തിയുള്ള എയര്‍ലൈനുകളുടെ ആദ്യ പത്ത് സ്ഥാനങ്ങളും പൂര്‍ണ്ണമായും ഏഷ്യന്‍, മിഡില്‍ ഈസ്ററ് വിമാനക്കമ്പനികള്‍ കൈയടക്കി. പ്രവാസികള്‍ക്ക് ഏറെ സുപരിചിതമായ വിമാനക്കമ്പനികളാണ് ഈ പട്ടികയില്‍ മുന്‍നിരയിലുള്ളത്:
സ്ററാര്‍ലക്സ് എയര്‍ലൈന്‍സ് (തായ്വാന്‍)
സിംഗപ്പൂര്‍ എയര്‍ലൈന്‍സ് (സിംഗപ്പൂര്‍)
എ.എന്‍.എ ഓള്‍ നിപ്പോണ്‍ എയര്‍വേയ്സ് (ജപ്പാന്‍)
ഹൈനാന്‍ എയര്‍ലൈന്‍സ് (ചൈന)
കത്തേ പസഫിക് എയര്‍വേയ്സ് (ഹോങ്കോങ്)
ഇ.വി.എ എയര്‍ (തായ്വാന്‍)
ഖത്തര്‍ എയര്‍വേയ്സ് (ഖത്തര്‍)
ജപ്പാന്‍ എയര്‍ലൈന്‍സ് (ജപ്പാന്‍)
ചൈന എയര്‍ലൈന്‍സ് (തായ്വാന്‍)
കൊറിയന്‍ എയര്‍ (ദക്ഷിണ കൊറിയ)
യൂറോപ്യന്‍ എയര്‍ലൈനുകള്‍ക്ക് കനത്ത തിരിച്ചടി; സ്വിസ് എയര്‍ മുന്നില്‍, ലുഫ്താന്‍സ 18~ാമത്
ശുചിത്വത്തിന്റെ കാര്യത്തില്‍ ലോകത്തെ ആദ്യ പത്ത് സ്ഥാനങ്ങളില്‍ ഒരു യൂറോപ്യന്‍ വിമാനക്കമ്പനിക്ക് പോലും ഇടംപിടിക്കാനായില്ല എന്നത് ശ്രദ്ധേയമാണ്.
യൂറോപ്യന്‍ എയര്‍ലൈനുകളില്‍ ഏറ്റവും മികച്ച പ്രകടനം കാഴ്ചവെച്ചത് 13~ാം സ്ഥാനത്തുള്ള സ്വിസ് ഇന്റര്‍നാഷണല്‍ എയര്‍ ലൈന്‍സ് ആണ്. യൂറോപ്പിലെ ഏറ്റവും വൃത്തിയുള്ള എയര്‍ലൈനായി സ്വിസ് മാറി. അതേസമയം, ജര്‍മ്മനിയുടെ ദേശീയ വിമാനക്കമ്പനിയായ ലുഫ്താന്‍സയ്ക്ക് 18~ാം സ്ഥാനം കൊണ്ട് തൃപ്തിപ്പെടേണ്ടി വന്നു.
ലോകമെമ്പാടുമുള്ള നൂറിലധികം രാജ്യങ്ങളില്‍ നിന്നുള്ള യാത്രക്കാരുടെ പ്രതികരണങ്ങള്‍ ശേഖരിച്ചാണ് സ്കൈട്രാക്സ് ഈ വാര്‍ഷിക റാങ്കിംഗ് തയ്യാറാക്കിയത്. ഏഴ് ഭാഷകളിലായി നടന്ന വിപുലമായ സര്‍വേയില്‍ ആഗോളതലത്തിലെ 325~ലധികം പ്രമുഖ എയര്‍ലൈനുകളാണ് മത്സരിച്ചത്. ക്യാബിന്‍ ശുചിത്വത്തില്‍ യാത്രക്കാരുടെ വിശ്വാസ്യത പൂര്‍ണ്ണമായി നേടിയെടുക്കാന്‍ ഏഷ്യന്‍ എയര്‍ലൈനുകള്‍ കാണിക്കുന്ന സൂക്ഷ്മതയാണ് ഈ ആധിപത്യത്തിന് പിന്നിലെന്ന് വ്യോമയാന വിദഗ്ദ്ധര്‍ ചൂണ്ടിക്കാട്ടുന്നു.
Comments: