ബര്‍ലിന്‍:ജര്‍മ്മനിയിലെ രാഷ്ട്രീയ സമവാക്യങ്ങളെ പൂര്‍ണ്ണമായി മാറ്റിമറിച്ചുകൊണ്ട് തീവ്ര വലതുപക്ഷ പാര്‍ട്ടിയായ 'ആള്‍ട്ടര്‍നേറ്റീവ് ഫോര്‍ ജര്‍മ്മനി' (AfD) ജനപ്രീതിയില്‍ പുതിയ റെക്കോര്‍ഡുകള്‍ കുറിക്കുന്നു. പ്രമുഖ പൊതുമാധ്യമം പുറത്തുവിട്ട ഏറ്റവും പുതിയ 'പൊളിറ്റ്ബാരോമീറ്റര്‍' (Politbarometer) സര്‍വേ പ്രകാരം, ഈ വരും ഞായറാഴ്ച ജര്‍മ്മനിയില്‍ ഒരു പൊതുതിരഞ്ഞെടുപ്പ് നടക്കുകയാണെങ്കില്‍ അഫ്ഡി ഏറ്റവും വലിയ ഒറ്റക്കക്ഷിയായി മാറും. കഴിഞ്ഞ മാസത്തെ അപേക്ഷിച്ച് ഒരു ശതമാനം ജനപിന്തുണ വര്‍ദ്ധിപ്പിച്ച എഫ്ഡി 28 ശതമാനം വോട്ടുകളോടെയാണ് ഒന്നാം സ്ഥാനത്ത് എത്തിനില്‍ക്കുന്നത്.
1.നിലംതൊടാതെ പരമ്പരാഗത പാര്‍ട്ടികള്‍; മെര്‍സിന് തിരിച്ചടി:
നിലവിലെ ജര്‍മ്മന്‍ ചാന്‍സലര്‍ ഫ്രീഡ്രിഷ് മെര്‍സിന്റെ നേതൃത്വത്തിലുള്ള യാഥാസ്ഥിതിക സഖ്യമായ സി.ഡി.യു/സി.എസ്.യു ഭാവിക്കുള്ള വലിയൊരു മുന്നറിയിപ്പാണ് ഈ സര്‍വേ ഫലം.
സി.ഡി.യു/സി.എസ്.യു : ഒരു പോയിന്റ് ഇടിഞ്ഞ് 24 ശതമാനം പിന്തുണയോടെ രണ്ടാം സ്ഥാനത്തേക്ക് തള്ളപ്പെട്ടു. എഫ്ഡിയുമായി ഇപ്പോള്‍ 4 ശതമാനത്തിന്റെ വ്യക്തമായ വ്യത്യാസമുണ്ട്.
എസ്.പി.ഡി : നിലവില്‍ ഭരണത്തില്‍ വലിയ പ്രതിസന്ധികള്‍ നേരിടുന്ന സോഷ്യല്‍ ഡെമോക്രാറ്റുകള്‍ നേരിയ ആശ്വാസമായി ഒരു ശതമാനം തിരിച്ചുപിടിച്ച് 13 ശതമാനത്തില്‍ എത്തി. ഗ്രീന്‍സ് (Green Party): രണ്ട് ശതമാനം ഇടിവോടെ 12 ശതമാനത്തിലേക്ക് വീണു. ലെഫ്റ്റ് പാര്‍ട്ടി (Die Linke): മാറ്റങ്ങളില്ലാതെ 11 ശതമാനത്തില്‍ തുടരുന്നു. എഫ്.ഡി.പി (എഉജ): ബിസിനസ്സ് അനുകൂല പാര്‍ട്ടിയായ എഫ്.ഡി.പി കേവലം 4 ശതമാനം പിന്തുണ മാത്രമാണ് നേടിയത്. ജര്‍മ്മന്‍ നിയമപ്രകാരം പാര്‍ലമെന്റില്‍ പ്രവേശിക്കാന്‍ വേണ്ട കുറഞ്ഞ പരിധിയായ 5 ശതമാനം വോട്ട് (5% Hurdle) മറികടക്കാന്‍ ഇവര്‍ക്ക് സാധിച്ചിട്ടില്ല.
2. മറ്റ് സര്‍വേകളിലെ 'അഫ്ഡി തരംഗം'
:കഴിഞ്ഞ ചൊവ്വാഴ്ച പ്രമുഖ ആഗോള സര്‍വേ ഏജന്‍സിയായ'യൂഗോവ്'പുറത്തുവിട്ട കണക്കുകളില്‍ അഫ്ഡിക്ക് 29 ശതമാനം വരെ പിന്തുണ പ്രവചിച്ചിരുന്നു. അതായത് സി.ഡി.യുവിനേക്കാള്‍ വന്‍ മാര്‍ജിനിലുള്ള മുന്നേറ്റം. അതിനേക്കാള്‍ അല്പം കുറവാണെങ്കിലും, വെള്ളിയാഴ്ച പുറത്തുവന്ന 'ഫോര്‍ഷുങ്സ്ഗ്രൂപ്പെ വാലന്‍' (എീൃരെവൗിഴഴെൃൗുുല ണമവഹലി) ഇന്‍സ്ററിറ്റ്യൂട്ടിന്റെ ഈ പുതിയ സര്‍വേയും ജര്‍മ്മനിയില്‍ എഫ്ഡിയുടെ സ്വാധീനം അതിവേഗം ഉറയ്ക്കുകയാണെന്ന് അടിവരയിടുന്നു.
എഫ്ഡി ഒന്നാമതെത്തിയാലും ഭരിക്കാന്‍ സാധിക്കുമോ?
കഴിഞ്ഞ വര്‍ഷത്തെ പൊതുതിരഞ്ഞെടുപ്പില്‍ ചരിത്രത്തിലാദ്യമായി ജര്‍മ്മനിയിലെ രണ്ടാമത്തെ വലിയ കക്ഷിയായി എഫ്ഡി മാറിയിരുന്നു. നിലവിലെ സാഹചര്യത്തില്‍ അവര്‍ ഒന്നാമത് എത്തിയാല്‍ പോലും ഭരണം പിടിക്കുക എളുപ്പമാകില്ല.'ഫയര്‍വാള്‍' (Brandmauer) നയം: ജര്‍മ്മനിയിലെ മറ്റ് പ്രമുഖ രാഷ്ട്രീയ പാര്‍ട്ടികളെല്ലാം തന്നെ (സി.ഡി.യു, എസ്.പി.ഡി, ഗ്രീന്‍സ്) അഫ്ഡിയുമായി യാതൊരുവിധ രാഷ്ട്രീയ സഖ്യത്തിനും ഭരണ പങ്കാളിത്തത്തിനും തയ്യാറല്ല എന്ന് പ്രഖ്യാപിച്ചിട്ടുണ്ട്.മൂന്നിലൊന്ന് വോട്ടുകള്‍ പോലും തികച്ചുമില്ലാത്ത അഫ്ഡിയെ മാറ്റിനിര്‍ത്തി മറ്റ് പാര്‍ട്ടികള്‍ ഒന്നിച്ച് സഖ്യസര്‍ക്കാര്‍ രൂപീകരിക്കാനാണ് സാധ്യത. എങ്കിലും ജര്‍മ്മന്‍ ജനതയുടെ വലിയൊരു വിഭാഗം പരമ്പരാഗത രാഷ്ട്രീയ ശൈലികളോട് കാണിക്കുന്ന കടുത്ത അമര്‍ഷത്തിന്റെ പ്രതിഫലനമാണ് എഫ്ഡിയുടെ ഈ പുതിയ റെക്കോര്‍ഡ് കുതിപ്പ്.
- Since 2007
ജര്‍മ്മനിയെ ഞെട്ടിച്ച് വീണ്ടും സര്‍വേ ഫലം; 28 ശതമാനം പിന്തുണയോടെ റെക്കോര്‍ഡ് മുന്നേറ്റവുമായി എഫ്ഡി
- dated 20 Jun 2026
Other News Titles:
ജര്‍മനി ജര്‍മ്മനിയില്‍ ഇ~സ്കൂട്ടര്‍ യാത്രികര്‍ക്ക് കടുത്ത നിയന്ത്രണങ്ങളും പുതിയ നിയമങ്ങളും വരുന്നു; 2027 മുതല്‍ ബ്ളിങ്കര്‍ നിര്‍ബന്ധം
ജര്‍മനി ജര്‍മ്മനിയില്‍ വ്യാവസായിക ഉല്‍പ്പാദനം 18 മാസത്തെ ഉയര്‍ന്ന നിരക്കില്‍; സാമ്പത്തിക രംഗത്ത് ഉണര്‍വ്
ജര്‍മനി ജര്‍മ്മനിയിലെ നികുതിദായകര്‍ അറിഞ്ഞിരിക്കേണ്ട പ്രധാനപ്പെട്ട ഒരു നിയമമാറ്റം ; എല്‍സ്ററര്‍ (ELSTER) ഉപയോക്താക്കള്‍ ശ്രദ്ധിക്കുക; 2027 മുതല്‍ ടാക്സ് അസസ്മെന്റ് നോട്ടീസ് പൂര്‍ണ്ണമായും ഡിജിറ്റലിലേക്ക്
ജര്‍മനി കൊളോണിലെ സീറോ മലബാര്‍ കമ്യൂണിറ്റിയ്ക്ക് പുതിയ കോഓര്‍ഡിനേഷന്‍ കമ്മിറ്റി
ജര്‍മനി കൊളോണില്‍ ജപമാല ആചരണസമാപനവും വിശുദ്ധ അല്‍ഫോന്‍സാമ്മയുടെ തിരുനാളും നാളെ (ഒക്ടോബര്‍ 10~ന്)
ജര്‍മനി ചലഞ്ചേഴ്സ് സ്പോര്‍ട്സ് ക്ളബ്ബ് കൊളോണിന്റെ 40~ാം വാര്‍ഷികം; 'സി.എസ്.സി ഓപ്പണ്‍ 2026' ബാഡ്മിന്റണ്‍ ടൂര്‍ണമെന്റ് ഒക്ടോബര്‍ 10~ന് കൊളോണില്‍
ജര്‍മനി ജര്‍മ്മനിയിലെ സര്‍വീസുകള്‍ വന്‍തോതില്‍ വെട്ടിച്ചുരുക്കി റയാന്‍എയര്‍; ബര്‍ലിന്‍ വിമാനത്താവളത്തിലെ ബേസ് ഒക്ടോബര്‍ 24~ന് അടച്ചുപൂട്ടും: വിമാന നിരക്കുകള്‍ കുത്തനെ കൂടും; യാത്രക്കാര്‍ക്ക് കനത്ത തിരിച്ചടി
Comments: