നിര്‍മാണം പൂര്‍ണമാകുന്നതോടെ പ്രതിവര്‍ഷം 260 ദശലക്ഷം യാത്രക്കാരെ ഉള്‍ക്കൊള്ളാന്‍ ശേഷിയുള്ള വിമാനത്താവളമാകുമിത്. നിലവിലുള്ള ദുബായ് അന്തര്‍ദേശിയ വിമാനത്താവളത്തിലെ പ്രവര്‍ത്തനങ്ങള്‍ അല്‍ മക്തൂം ഇന്‍റര്‍നാഷണലിലേക്ക് മാറ്റും. 128 ബില്യണ്‍ ദിര്‍ഹം ചെലവിലാണ് മക്തൂം വിമാനത്താവളം നിര്‍മിക്കുന്നത്.
യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം അനുമതി നല്‍കിയതിനെ തുടര്‍ന്നാണ് കരാര്‍ ജോലികള്‍ ആരംഭിച്ചതെന്ന് ദുബായ് സിവില്‍ ഏവിയേഷന്‍ അതോറിറ്റി പ്രസിഡന്‍റും, ദുബായ് എയര്‍പോര്‍ട്സ്, എമിറേറ്റ്സ് എയര്‍ലൈന്‍ ഗ്രൂപ്പ് എന്നിവയുടെ ചെയര്‍മാനും ചീഫ് എക്സിക്യൂട്ടിവുമായ ഷെയ്ഖ് അഹമ്മദ് ബിന്‍ സഈദ് അല്‍ മക്തൂം അറിയിച്ചു.
പദ്ധതിയുടെ കരാര്‍ സംബന്ധിച്ച വിവരങ്ങള്‍ ഇപ്പോള്‍ വെളിപ്പെടുത്താനാവില്ലെന്നും എയര്‍പോര്‍ട്ട് എഞ്ചിനീയറിംഗ് വിഭാഗമാണ് അത് കൈകാര്യം ചെയ്യുന്നത് എന്നും അദ്ദേഹം പറഞ്ഞു.
Comments: