Today: 25 May 2017 GMT   Tell Your Friend
Advertisements
അഞ്ജലിബദ്ധരായി അഞ്ചാം വയസിലേയ്ക്ക് ; വായനാ സംസ്കാരത്തിന്റെ പുതിയ പാതയിലൂടെ നമോവാകം
Photo #1 - Germany - Editorial - 4thbirthdayeditorial
എഡിറ്റോറിയല്‍

ലോകം മുഴുവന്‍ വായനാ സംസ്കാരത്തില്‍ വിപ്ളവം സംഭവിച്ചു കൊണ്ടിരിക്കുന്ന ഒരു കാലഘട്ടമാണിത്. പൊടിനിറഞ്ഞ പഴയ ഗ്രന്ഥശാലകളിലെ പുസ്തകപ്പുഴുക്കളുടെ സ്ഥാനത്ത് ഇന്ന് ശതകോടിക്കണക്കിനു വെബ്സൈറ്റുകള്‍ സര്‍ഫ് ചെയ്യുന്ന ഇന്റര്‍നെറ്റ് വെമുകളാണുള്ളത്. പുസ്തകത്തില്‍ നിന്ന് കംപ്യൂട്ടര്‍ സ്ക്രീനിലേക്കും ടാബ്ലറ്റ് കംപ്യൂട്ടറിലേക്കും ഇ ബുക്ക് റീഡറിലേക്കും വരെ വായന പറിച്ചുനടപ്പെടുന്ന കാലം. ഈ മാറ്റത്തിന്റെ അത്്ഭുതാവഹമായ വഴിത്തിരിവുകള്‍ കണ്്ട് കഴിഞ്ഞ നാലു വര്‍ഷങ്ങളില്‍ പ്രവാസി ഓണ്‍ലൈന്‍ ഡോട്ട് കോമിനും അതിന്റെ ഭാഗമാകാന്‍ കഴിഞ്ഞതില്‍ അഭിമാനമുണ്ട് ഒപ്പം സന്തോഷവുമുണ്ട്.

പുസ്തകത്തിലും ആനുകാലികങ്ങളിലും പത്രമാധ്യമങ്ങളിലും മാത്രമല്ല വായനയുടെ വിജ്ഞാന ലോകം പരന്നു കിടക്കുന്നതെന്നു ലോക മലയാളികള്‍ തിരിച്ചറിഞ്ഞ വര്‍ഷങ്ങള്‍ കൂടിയാണ് കടന്നു പോകുന്നത്. സൈബര്‍ ലോകത്ത് അസംഖ്യം ബ്ളോഗുകളും സോഷ്യല്‍ നെറ്റ്വര്‍ക്കിങ് വെബ്സൈറ്റുകളും ഇ ബുക്കുകളുമൊക്കെ അവര്‍ കൈയ്യടക്കിയതു മാത്രമല്ല ഇനിയും പലതും ഇതുപോലെ അവരെ കാത്തിരിക്കുന്നു. പ്രവാസി മലയാളികളുടെ കാര്യമെടുത്താല്‍, അവരെ മാത്രം ഉദ്ദേശിച്ചുള്ള വെബ്സൈറ്റുകളുടെ എണ്ണത്തില്‍ ക്രമാതീതമായ വര്‍ധനയും കഴിഞ്ഞ നാലോ അഞ്ചോ വര്‍ഷങ്ങള്‍ക്കിടെ കാണാന്‍ കഴിഞ്ഞു. പ്രവാസികളുടെ സാംസ്കാരിക കൂട്ടായ്മകളുടെയും സാമൂഹിക ബോധത്തിന്റെയും ഭാഗം തന്നെയായി മാറാന്‍ അവയില്‍ ചിലതിനെങ്കിലും സാധിച്ചിട്ടുമുണ്ട്. ആ സാംസ്കാരിക, വായനാ വിപ്ളവത്തിന്റെ ആദ്യ പേരുകളിലൊന്നാകാന്‍ പ്രവാസി ഓണ്‍ലൈനു സാധിച്ചതിലും ഞങ്ങള്‍ അഭിമാനം കൊള്ളുന്നു.

ഇന്‍ഡ്യന്‍ രാഷ്ട്രീയത്തിലെ അതികായനായ, പ്രത്യേകിച്ച് കോണ്‍ഗ്രസ് എന്ന വടവൃക്ഷത്തിന്റെ ശക്തമായ ശിഖരങ്ങളിലൊന്നായ ശ്രീ വയലാര്‍ രവിയുടെ കരസ്പര്‍ശത്താല്‍ 2007 ഡിസംബര്‍ 23 ന് ബര്‍ലിനില്‍ തുടക്കം കുറിച്ച നിങ്ങളുടെ പ്രവാസി ഓണ്‍ലൈന്‍ ഡോട്ട് കോം ഈ ഡിസംബര്‍ 23 ന് നാലാം പിറന്നാള്‍ ആഘോഷിക്കുകയാണ്. അനാര്‍ഭാടമായിതന്നെ ആഘോഷിയ്ക്കയാണ്.

വായനക്കാരുടെയും അഭ്യുദയകാംക്ഷികളുടെയും എണ്ണത്തില്‍ ക്രമാനുഗതമായ വളര്‍ച്ച ഇക്കാലമത്രയും നേടാന്‍ സാധിച്ചു. വാര്‍ത്തകളെ വാര്‍ത്തകളായി കാണുകയും വിവാദങ്ങളെ വേര്‍തിരിച്ചു കാണാന്‍ ശ്രമിക്കുകയും ചെയ്തതിന്റെ കൂടി ഫലമാണതെന്നു ഞങ്ങള്‍ വിശ്വസിക്കുന്നു. വ്യക്തിഹത്യകളും ഇക്കിളിപ്പെടുത്തലുകളുമല്ല മാധ്യമ പ്രവര്‍ത്തനമെന്ന് ഉറച്ചു വിശ്വസിക്കുന്ന നയമാണ് ആ നിലപാടിനു പിന്നില്‍ എന്നു ഞങ്ങള്‍ പറയും.

യൂറോപ്പിലെ പ്രഥമ ഓണ്‍ലൈന്‍പത്രം വിത്ത് ഡെയ്ലി അപ്ഡേഷന്‍ എന്ന ബഹുമതിയും പ്രവാസിഓണ്‍ലൈന് മാത്രം സ്വന്തം. ഇതു പറയുമ്പോള്‍ പരാമര്‍ശിയ്ക്കേണ്ട ഒരു കാര്യം പ്രധാനമായും യൂറോപ്പിലുള്ള പ്രവാസി മലയാളികളെ ഉദ്ദേശിച്ച് പ്രവര്‍ത്തനം ആരംഭിച്ച ഞങ്ങള്‍ യൂറോപ്പില്‍ മാത്രമായി ഒതുങ്ങി നില്‍ക്കുന്നില്ല. തുല്യ പ്രാധാന്യത്തോടെ ഗള്‍ഫ്, ഓഷ്യാനിയ, അമേരിക്ക, ഒപ്പം ഇന്‍ഡ്യ എന്നീ മേഖലകളിലേക്കും ഞങ്ങളുടെ പ്രവര്‍ത്തനം വ്യാപിപ്പിക്കാന്‍ സാധിച്ചിരിക്കുന്നു. ഭൂമിയില്‍ മലയാളി എത്തിപ്പെടാത്ത ഒരു കോണുമില്ലെന്നാണ് പറയാറ്. അതുപോലെ, മലയാളിയുള്ള കോണുകളിലൊക്കെ അവരുടെ സമൂഹത്തില്‍ നിന്നു പ്രാതിനിധ്യമുറപ്പിക്കാനും പ്രവാസി ഓണ്‍ലൈന് സാധിച്ചിട്ടുണ്ട്. മേലില്‍ കിണഞ്ഞു ശ്രമിക്കുകയും ചെയ്യും. സൈറ്റിന്റെ വെബ് വ്യൂവ്ഡ് ട്രാഫിക് അഥവാ സ്ററാറ്റിസ്ററിക്കല്‍ സമ്മറി എടുത്താല്‍ മുപ്പതിലേറെ രാജ്യങ്ങളില്‍ ഞങ്ങള്‍ക്ക് വ്യക്തമായ പ്രാതിനിധ്യത്തോടുകൂടിയുള്ള മലയാളി വായനക്കാരുണ്ട്.

നാലാം പിറന്നാളില്‍ ചില പുതുമകള്‍ കൂടി അവതരിപ്പിക്കുകയാണു ഞങ്ങള്‍. കെട്ടിലും മട്ടിലും നിങ്ങള്‍ക്കതു കാണാം, അനുഭവിക്കാം. എങ്കിലും പതിവു വായനക്കാര്‍ക്ക് അലോരസമുണ്ടാകാത്ത വിധത്തില്‍ മാറ്റങ്ങള്‍ കഴിവതും സൂക്ഷ്മവും പരിമിതവുമാക്കാന്‍ ശ്രമിച്ചിട്ടുണ്ട്. സാങ്കേതികമായ ചില മാറ്റങ്ങള്‍ കൂടി പൂര്‍ത്തിയാകുന്നതോടെ വായനാസുഖവും ആകര്‍ഷണീയതയും പരമാവധി വര്‍ധിപ്പിക്കാനും സാധിക്കുമെന്നു പ്രതീക്ഷിക്കുന്നു.

ഇതുവരെയുള്ള ഞങ്ങളുടെ പ്രവര്‍ത്തനത്തില്‍ പ്രധാന ശക്തി ലോകമെങ്ങുമുള്ള മലയാളി വായനക്കാര്‍ തന്നെയായിരുന്നു എന്നതില്‍ സംശയമില്ല. നാളിതുവരെയുള്ള സൈറ്റിന്റെ നൈര്‍മ്മല്യം തുളുമ്പിയ അവതരണത്തില്‍ സാങ്കേതികമായ തടസങ്ങളിലും ഏതെങ്കിലും ചെറിയതോ വലയതോ ആയ വീഴ്ചകളിലും താഴ്ചകളിലും ഞങ്ങളോടൊപ്പം നിന്ന് ഞങ്ങള്‍ക്ക് തുണയായി ക്രിയാത്മകമായ വിമര്‍ശനങ്ങള്‍ക്കുപരിയായി നല്ല ഉപദേശകരായി കൂടുതല്‍ ഉള്‍ക്കാഴ്ചയോടെ ഞങ്ങളെ പ്രോല്‍സാഹിപ്പിച്ച, മേലിലും പ്രോല്‍സാഹിപ്പിക്കുമെന്നുറപ്പുള്ള ഞങ്ങളുടെ പ്രിയപ്പെട്ട വായനക്കാരോട് ഞങ്ങളുടെ അകമഴിഞ്ഞ നന്ദിയും കടപ്പാടും ഹൃദയത്തിന്റെ ഭാഷയില്‍ അറിയിയ്ക്കുന്നതിനൊപ്പം ഈയവസരത്തില്‍ നിങ്ങളുടെ മുന്നില്‍ അഞ്ജലിബദ്ധരായി ശിരസു നമിയ്ക്കുകയും ചെയ്യുന്നു.

പുതിയ വര്‍ഷത്തില്‍, പുതിയ വയസിലെ കാല്‍വെയ്പ്പില്‍, പുതിയ മോടിയിലും രൂപത്തിലും വരുന്ന പ്രവാസി ഓണ്‍ലൈന്‍ തുടര്‍ന്നും ആ കരുത്തിന്റെ പിന്തുണ പ്രതീക്ഷിക്കുന്നു, ഒപ്പം കൂടുതല്‍ പുതിയ വായനക്കാരെയും...

ഞങ്ങളുടെ മാന്യ വായനക്കാരുടെ ഹൃദയത്തില്‍ ചാലിച്ചെടുത്ത മഷിയില്‍ നല്‍കിയ കൈയ്യൊപ്പ് ഞങ്ങളുടെ മുഖമുദ്രയാക്കി മുന്നേറുമ്പോള്‍ വരും കാലങ്ങളിലും നിങ്ങളോടൊപ്പം നിങ്ങളിലൊരുവനായി നിങ്ങള്‍തന്‍ ശക്തിയിലും തളര്‍ച്ചയിലും പോരാട്ടത്തിലും ഞങ്ങളുണ്ടായിരിയ്ക്കും.

ഏവര്‍ക്കും ഹൃദയപൂര്‍വം മംഗളങ്ങള്‍ നേരുന്നു.

ജോസ് കുമ്പിളുവേലില്‍

ചീഫ് എഡിറ്റര്‍
- dated 24 Dec 2011


Comments:
Keywords: Germany - Editorial - 4thbirthdayeditorial Germany - Editorial - 4thbirthdayeditorial,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
greetings_editorial_2017_pr
പുതുവല്‍സരത്തില്‍ ശാന്തി സമൃദ്ധി നന്മകള്‍ നിറഞ്ഞൊഴുകട്ടെ !!
എഡിറ്റോറിയല്‍

കാലത്തിന്റെ കളിയരങ്ങില്‍ 2016 വര്‍ഷം നടന്നു നീങ്ങി. യവനിക വീണ അരങ്ങില്‍ 2017 പ്രശോഭിതമായി ഉയര്‍ന്നു പൊങ്ങി. ഓളവും തീരവും ഇരമ്പിയാര്‍ന്ന സഞ്ചാരത്തില്‍ പിന്നിട്ട വഴികളിലെ, യാത്രകളില്‍ നിവധിയോര്‍മ്മകള്‍ .... തുടര്‍ന്നു വായിക്കുക
editorial_vishu_2016
പൊന്‍കണിയുടെ വിഷു ദിനാശംസകള്‍
ഐശ്വര്യത്തിന്റെ കൈക്കുമ്പിളില്‍ സമൃദ്ധിയുടെ നിറതിങ്കളായി കണിക്കൊന്നപ്പൂക്കള്‍ കണികണ്ട് ലോകമെമ്പാടുമുള്ള മലയാളികള്‍ ഇന്ന് വിഷു ആഘോഷിക്കുന്നു. സന്തോഷത്തില്‍ വിരിയുന്ന ഐശ്വര്യത്തെ എതിരേറ്റ് മലയാളിയുടെ കാര്‍ഷികോത്സവമായ വിഷുകണി ........ തുടര്‍ന്നു വായിക്കുക
Easter_2016
ലോകം ഉയിര്‍പ്പു തിരുനാളിന്റെ സ്മരണയില്‍
ദൈവപുത്രനായ യേശുക്രിസ്തു ഉത്ഥിത നായതിന്റെ അനുസ്മരണയുമായി ലോകമെമ്പാടുമുള്ള ക്റൈസ്തവ സമൂഹം ഇന്ന് ഈസ്ററര്‍ ആഘോഷിക്കുന്നു. യേശുക്രിസ്തു മരണത്തെ കീഴടക്കി ലോകത്തെ വിജയിച്ചതിന്റെയും ............ തുടര്‍ന്നു വായിക്കുക
8th_bday_pravasionline_editorial
പ്രവാസിഓണ്‍ലൈന്‍ ഒന്‍പതാം വര്‍ഷത്തിലേയ്ക്ക് ... വാര്‍ത്താസമൃദ്ധിയുടെ ഒരു വര്‍ഷം കൂടി ...
തുടര്‍ന്നു വായിക്കുക
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us