Europe - Otta Nottathil - funeral_albin_shinto_anachal_latvia_student_accident

Advertisements

ആല്‍ബിന്‍ ഷിന്റോയുടെ സംസ്ക്കാരം ഓഗസ്ററ് 4 ന് ഞായറാഴ്ച

ജോസ് കുമ്പിളുവേലില്‍

Photo #1 - Europe - Otta Nottathil - funeral_albin_shinto_anachal_latvia_student_accident_death

Photo #2 - Europe - Otta Nottathil - funeral_albin_shinto_anachal_latvia_student_accident_death

ഇടുക്കി: യൂറോപ്യന്‍ രാജ്യമായ ലാത്വിയയിലെ റിഗയില്‍ ഒഴുക്കില്‍പ്പെട്ടു മരിച്ച വിദ്യാര്‍ത്ഥി ആല്‍ബിന്‍ ഷിന്റോയുടെ (അപ്പു 19) ഭൗതിക ശരീരം ഓഗസ്ററ് 4 ന് ഞായറാഴ്ച രാവിലെ 9 മണിയ്ക്ക് ഇടുക്കി വെള്ളത്തൂവല്‍, ആനച്ചാലിലെ സ്വഭവനത്തില്‍ കൊണ്ടുവരും. തുടര്‍ന്ന് സംസ്കാര ശുശ്രഷകള്‍ ഉച്ചയ്ക്ക് 12 മണിയ്ക്ക് വീട്ടില്‍ ആരംഭിച്ച് തോക്കുപാറ സെന്റ് സെബാസ്ററ്യന്‍സ് ദേവാലയ പാരീഷ് ഹാളില്‍ പൊതുദര്‍ശനത്തിന് ശേഷം ഉച്ചകഴിഞ്ഞ് 2.30 ന് തോക്കുപാറ സെന്റ് സെബാസ്ററ്യന്‍സ് ദേവാലയത്തിലെ കുടുംബകല്ലറയില്‍ സംസ്ക്കരിയ്ക്കും.

ജൂലൈ 29 ന് തിങ്കളാഴ്ച ലാത്വിയയുടെ തലസ്ഥാനമായ റിഗയില്‍ നിന്നും ടര്‍ക്കിഷ് എയര്‍വേയ്സില്‍ ഈസ്ററാംബൂള്‍ വഴി ഓഗസ്ററ് മൂന്നിനു രാവിലെ ബംഗളുരുവില്‍ കൊണ്ടുവന്ന ഭൗതിക ശരീരം ഇടുക്കി രൂപതാ പ്രവാസി അപ്പസതോലേറ്റ് ഡയറക്ടര്‍ ഫാ.ജോബി പുളിക്കകുന്നേലിന്റെ നേതൃത്വത്തില്‍, ചങ്ങനാശേരി അതിരൂപതാംഗം ഫാ. ലിബിന്‍ തുണ്ടിയിലിന്റെ സാന്നിദ്ധ്യത്തില്‍ ആല്‍ബിന്റെ കുടുംബം ഏറ്റുവാങ്ങി, തുടര്‍ന്ന് ഒപ്പീസും നടത്തി. നോര്‍ക്കയുടെ സഹായത്തോടെയാണ് റോഡുമാര്‍ഗ്ഗം സ്വദേശത്ത് എത്തിയ്ക്കുന്നത്.

വെള്ളത്തൂവല്‍, ആനച്ചാല്‍ അറയ്ക്കല്‍ ഷിന്റോയുടെയും എല്ലക്കല്‍ എല്‍ പി സ്കൂള്‍ ടീച്ചറായ റീനയുടെയും മകനാണ് ആല്‍ബിന്‍. ആല്‍ബിന് ഒരു സഹോദരിയുണ്ട്.

ഇടുക്കി എംപി ഡീന്‍ കുര്യാക്കോസ്, ഇന്‍ഡ്യന്‍ വിദേശകാര്യമന്ത്രി എസ് ജയ്ശങ്കര്‍, കേരള സര്‍ക്കാരിന്റെ നോര്‍ക്ക,ആല്‍ബിന്റെ യുകെയിലുള്ള ബന്ധു ജോര്‍ജ്ജ് ജോസഫ്, ലാത്വിയയിലെ സുഹൃത്തുക്കള്‍, ലാത്വിയയുടെ ചുമതലയുള്ള സ്വീഡനിലെ ഇന്‍ഡ്യന്‍ എംബസിയിലെ സെക്കന്റ് സെക്രട്ടറി (കോണ്‍സുലര്‍) പവന്‍കുമാര്‍, ലാത്വിയന്‍ പൊലീസ്, ലോക കേരളസഭാംഗം ജോസ് കുമ്പിളുവേലില്‍ എന്നിവരുടെ സമയോജിതമായ ഇടപെടല്‍ മൂലമാണ് മൃതദേഹം നാട്ടിലെത്തിക്കാനുള്ള നടപടി ക്രമങ്ങള്‍ വേഗത്തിലായത്.

റിഗയിലെ തടാകത്തിന്റെ മറുകരയിലേക്കു നീന്തി പോയ സുഹൃത്തുക്കള്‍ക്കു പിന്നാലെ നീന്തിയ ആല്‍ബിന്‍ മറുകരയെത്താറായപ്പോള്‍ കുഴഞ്ഞു പോവുകയും ഒഴുക്കില്‍ പെടുകയുമായിരുന്നു. കൂടെയുണ്ടായിരുന്ന സുഹൃത്തുക്കള്‍ രക്ഷപെടുത്താന്‍ കിണഞ്ഞു ശ്രമിച്ചെങ്കിലും ആല്‍ബിന്റെ ജീവന്‍ രക്ഷിക്കാനായില്ല. ജൂലൈ 17 നാണ് അപകടം സംഭവിച്ചത്. മറൈന്‍ ടെക്നോളജി പഠിക്കാന്‍ എട്ടു മാസം മുന്‍പാണു ആല്‍ബിന്‍ ലാത്വിയയില്‍ എത്തിയത്.

- dated 03 Aug 2024

Comments:

Keywords: Europe - Otta Nottathil - funeral_albin_shinto_anachal_latvia_student_accident_death Europe - Otta Nottathil - funeral_albin_shinto_anachal_latvia_student_accident_death,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: