Today: 08 Feb 2025 GMT   Tell Your Friend
Advertisements
ജര്‍മന്‍ രാഷ്ട്രീയത്തെ ഇളക്കിമറിച്ച് യുഎസ് പ്രസിഡന്റ് ജര്‍മനി ട്രംപിന്റെ പാത പിന്തുടരുമോ
Photo #1 - Germany - Otta Nottathil - germay_follows_trump_way_new_political_dimensions
ബര്‍ലിന്‍:ഡോണള്‍ഡ് ട്രംപ് യുഎസ് പ്രസിഡന്റായിരുന്ന ആദ്യ ടേമാണ് യുദ്ധാനന്തര ചരിത്രത്തില്‍ ജര്‍മനി ~ യുഎസ് ബന്ധം ഏറ്റവും വഷളായിരുന്ന സമയം. രണ്ടാം ടേം അതിലും മോശമായിരിക്കുമെന്ന സൂചനകളാണ് ഇപ്പോഴത്തെ തെരഞ്ഞെടുപ്പ് വിജയത്തിനു ശേഷം ട്രംപ് നല്‍കിക്കൊണ്ടിരിക്കുന്നത്.

തന്റെ സത്യപ്രതിജ്ഞാ ചടങ്ങിലേക്ക് ജര്‍മന്‍ ചാന്‍സലര്‍ ഒലാഫ് ഷോള്‍സിനെ ട്രംപ് ക്ഷണിച്ചില്ല എന്നതിനെക്കാള്‍ മര്യാദയില്ലാത്ത നടപടിയായിരുന്നു എ എഫ് ഡിയുടെ നേതാക്കളെ ക്ഷണിച്ചത്. ജര്‍മന്‍ പ്രതിപക്ഷ നേതാവ് ഫ്രെഡറിക് മെര്‍സിനു പോലും ക്ഷണം ലഭിക്കാത്തിടത്താണ് ഒരു തീവ്ര വലതുപക്ഷ പാര്‍ട്ടിയുടെ കുടിയേറ്റവിരുദ്ധ ~ മുസ്ളിം വിരുദ്ധ നേതാക്കളെ ക്ഷണിച്ചാനയിച്ചത്. എ എഫ് ഡിയെ പ്രശംസിക്കുന്നതില്‍ ട്രംപും ശിങ്കിടിയായ കോടീശ്വരന്‍ ഇലോണ്‍ മസ്കും ഒരു ലോപവും കാണിക്കാറുമില്ല.

യുഎസ് രാഷ്ട്രീയത്തിലെ ഡെമോക്രാറ്റിക് ~ റിപ്പബ്ളിക്കന്‍ ധ്രുവീകരണത്തിനപ്പുറത്തേക്ക് ശക്തമായൊരു വലതുപക്ഷ ലോബി തന്നെയാണ് ട്രംപിനു പിന്നില്‍ പ്രവര്‍ത്തിക്കുന്നത് എന്നു വ്യക്തമാണ്. രാജ്യത്തിന്റെ ഭരണ നിയന്ത്രണം ഇവരുടെ കൈയിലായിരിക്കും. ലോകക്രമം തന്നെ തങ്ങളുടെ വരുതിയിലാക്കാന്‍ ഇവര്‍ ആവുന്നതൊക്കെ ചെയ്യുമെന്നും ഉറപ്പ്.

കാലാവസ്ഥാ വ്യതിയാനം ചെറുക്കുന്നതിനുള്ള ഉടമ്പടിയില്‍ നിന്നു പിന്‍മാറിയതും ലോകാരോഗ്യ സംഘടനയിലെ അംഗത്വം പിന്‍വലിച്ചതും യൂറോപ്യന്‍ ഉത്പന്നങ്ങള്‍ക്ക് അധിക തീരുവ പ്രഖ്യാപിക്കുന്നതും ഗ്രീന്‍ലാന്‍ഡും പനാമ കനാലും പിടിച്ചെടുക്കുമെന്നു ഭീഷണിപ്പെടുത്തുന്നതുമെല്ലാം ഇതിന്റെ തുടക്കം മാത്രം.

ജര്‍മനിയിലെ മുഖ്യധാരാ രാഷ്ട്രീയ നേതാക്കളില്‍ മിക്കവരും ഡെമോക്രാറ്റിക് പാര്‍ട്ടി സ്ഥാനാര്‍ഥി കമല ഹാരിസ് യുഎസ് പ്രസിഡന്റാകണം എന്നാഗ്രഹിച്ചവരാണ്. അതു തുറന്നു പറയാനും പലരും തയാറായിരുന്നു. എന്നാല്‍, എ എഫ് ഡി നേതാക്കള്‍ സ്വാഭാവികമായും ആശയപരമായി ട്രംപിനൊപ്പം നിലകൊണ്ടു. ഇതിനുള്ള നന്ദി പ്രകടനമായിരുന്നു, ''ജര്‍മനിയെ രക്ഷിക്കാന്‍ എ എഫ് ഡിക്കു മാത്രമേ സാധിക്കൂ'' എന്ന ഇലോണ്‍ മസ്കിന്റെ പ്രഖ്യാപനം.

ട്രംപിന്റെ നയങ്ങള്‍ ശക്തമായ ജര്‍മന്‍വിരുദ്ധ നിലപാടുകള്‍ ഉള്‍പ്പെടുന്നതാണെന്ന സന്ദേശം യുഎസിലെ ജര്‍മന്‍ അംബാസഡര്‍ ആന്‍ഡ്രിയാസ് മൈക്കേലിസ് ജര്‍മന്‍ വിദേശകാര്യ മന്ത്രി അനബെല്‍ ബെയര്‍ബോക്കിന് അയച്ചത് മാധ്യമങ്ങള്‍ ചോര്‍ത്തിയിരുന്നു. ഇതോടെ, കാര്യങ്ങള്‍ക്ക് ഒരു ഔപചാരിക സ്ഥിരീകരണം തന്നെയായി. ട്രംപിന്റെ നിലപാടുകള്‍ക്കെതിരേ യൂറോപ്പ് ഒറ്റക്കെട്ടായി പ്രതിരോധം ഉയര്‍ത്തണമെന്ന നിലപാടാണ് സി ഡി യു നേതാവ് ഫ്രെഡറിക് മെര്‍സ് സ്വീകരിച്ചിരിക്കുന്നത്. ട്രംപിനെ നേര്‍ക്കുനേര്‍ കാണുമെന്നും യൂറോപ്യന്‍ താത്പര്യങ്ങള്‍ ഉയര്‍ത്തിപ്പിടിക്കുമെന്നും അദ്ദേഹം പ്രഖ്യാപിക്കുന്നു.
- dated 03 Feb 2025


Comments:
Keywords: Germany - Otta Nottathil - germay_follows_trump_way_new_political_dimensions Germany - Otta Nottathil - germay_follows_trump_way_new_political_dimensions,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
Other News Titles:
ജര്‍മനിയില്‍ ഇന്‍ഫ്ളുവന്‍സ തരംഗം Recent or Hot News
തുടര്‍ന്നു വായിക്കുക
ജര്‍മനിയുടെ കയറ്റമതിയില്‍ തിരിച്ചടി Recent or Hot News
തുടര്‍ന്നു വായിക്കുക
menschen_handel_16_indians_arrested_germany_federal_police
മനുഷ്യക്കടത്ത് ജര്‍മ്മനിയില്‍ 16 ഇന്ത്യക്കാര്‍ അറസ്ററില്‍ Recent or Hot News
തുടര്‍ന്നു വായിക്കുക
blue_card_2025_Jan_1_new_changes
ഇയു ബ്ളൂ കാര്‍ഡിലെ 2025 ലെ പുതിയ മാറ്റങ്ങള്‍ Recent or Hot News
ജര്‍മനി ബ്ളൂകാര്‍ഡിലെ പുതിയ നിബന്ധനകള്‍ ഓസ്ട്രിയ, ഹംഗറി ബ്ളൂകാര്‍ഡ് മാറ്റങ്ങള്‍ തുടര്‍ന്നു വായിക്കുക
കത്തോലിക്ക കോണ്‍ഗ്രസ് ജര്‍മ്മന്‍ ഗ്ളോബല്‍ യൂത്ത് കൗണ്‍സില്‍ രൂപീകരിച്ചു : ജര്‍മ്മനയില്‍ നിന്നുള്ള ജോമേഷ് കൈതമന ജനറല്‍ കോര്‍ഡിനേറ്റര്‍ Recent or Hot News
തുടര്‍ന്നു വായിക്കുക
Merkel_urges_parties_to_calm_pre_election_2025_germany
തെരഞ്ഞെടുപ്പിന് മുമ്പുള്ള 'പ്രക്ഷുബ്ധത' ശാന്തമാക്കണമെന്ന് അംഗലാ മെര്‍ക്കല്‍
തുടര്‍ന്നു വായിക്കുക
e_cars_registration_raises_germany
ജര്‍മനിയില്‍ ഇലക്ട്രിക് കാറുകളുടെ രജിസ്ട്രേഷന്‍ വര്‍ദ്ധിച്ചു
തുടര്‍ന്നു വായിക്കുക
Advertisements
© PravasiOnline Since 2007. All rights reserved.
pravasionline.com : eServices : regionalportalWWWDEVplug
Questions or feedback regarding our web presence please do not hesitate to contact us.
Pravasilokam – A Pravasi Malayalam News Portal
Home | Advertise | Link Exchange | SiteMap | Contact Us