ബര്‍ലിന്‍ സബ്വേ സ്റേറഷനില്‍ കത്തിയാക്രമണം ; പ്രതി സിറിയക്കാരനെ പൊലീസ് വെടിവെച്ചു കൊന്നു
ബര്‍ലിന്‍ ~ ജര്‍മന്‍ തലസ്ഥാന നഗരമായ ബര്‍ലിലെ സബ്വേ സ്റേറഷനില്‍ ഉണ്ടായ കത്തിയാക്രമണത്തില്‍ വഴിയാത്രക്കാരനെ സിറിയക്കാരന്‍ കുത്തിപ്പരിക്കേല്‍പ്പിച്ചു.. 29 കാരനായ ജര്‍മ്മന്‍കാരനാണ് പരിക്കേറ്റത്. സംശയിക്കപ്പെടുന്നയാളും പിന്നീട് ഇരയായ ആളും തമ്മില്‍ യു12 സബ്വേ ലൈനില്‍ വാര്‍ഷൗവര്‍ സ്ട്രാസെയില്‍ വെച്ച് തര്‍ക്കത്തില്‍ ഏര്‍പ്പെട്ടതായും അക്രമി വഴിയാത്രക്കാരനെ പിന്തുടര്ന്ന് സോഫി~ഷാര്‍ലറ്റ്~പ്ളാറ്റ്സ് സബ്വേ സ്റേറഷനിലെ പ്ളാറ്റ് ഫോമിലേക്ക് ഓടിക്കയറി കത്തിയെടുത്ത് കുത്തുകയായിരുന്നുവെന്ന് പറയപ്പെടുന്നു. കുറ്റവാളി പിന്നീട് സബ്വേ സ്റേറഷനില്‍ നിന്ന് ഓടിപ്പോയി ബര്‍ലിന്‍~ഷാര്‍ലറ്റന്‍ബര്‍ഗിലെ നോബല്‍സ്ഡോര്‍ഫ്സ്ട്രാസെയിലേക്ക് ഓടിയൊളിച്ചുവെങ്കിലും പൊലീസ് പിന്തുടര്ന്ന് വെടിവെച്ചു വീഴ്ത്തി. കഴുത്തില്‍ വെടിയേറ്റതായി പറയപ്പെടുന്നു.ഗുരുതരമായി പരിക്കേറ്റ 43 കാരന്‍ സിറിയക്കാരന്‍ മരണത്തിന് കീഴടങ്ങി.അക്രമി പോലീസ് ഉദ്യോഗസ്ഥരെയും കത്തി കാട്ടി ഭീഷണിപ്പെടുത്തിയപ്പോഴാണ് പൊലീസ് വെടിയുതിര്‍ത്തത്.
കത്തി ആക്രമണത്തിന്റെ പശ്ചാത്തലം പൊലീസ് അന്വേഷിക്കുകയാണ്. അക്രമിയും ഇരയും പരസ്പരം അറിയാമായിരുന്നോ എന്നത് ഇപ്പോഴും വ്യക്തമല്ല.എങ്കിലും പ്രതിയുടെ കൈയ്യില്‍ ലഹരിപദാര്‍ത്ഥം ഉള്ളതാിയും പറയപ്പെടുന്നു. എന്തായാലും സിറിയക്കാര്‍, അഫ്ഗാനികള്‍, തുടങ്ങിയ രാജ്യങ്ങളില്‍ നിന്നെത്തിയ അഭയാര്‍ത്ഥികളെക്കൊണ്ട് ജര്‍മനി ഇപ്പോള്‍ പൊറുതി മുട്ടിയിരിയ്ക്കയാണ്.
Comments: