ന്യൂഡല്‍ഹി: എയര്‍ ഇന്ത്യ തങ്ങളുടെ ക്യാബിന്‍ ക്രൂ അംഗങ്ങള്‍ക്കായി പുതിയ ആരോഗ്യ~ഫിറ്റ്നസ് നയം നടപ്പിലാക്കുന്നു. മേയ് 1 മുതല്‍ പ്രാബല്യത്തില്‍ വരുന്ന ഈ കര്‍ശന നിയമം അനുസരിച്ച്, നിശ്ചിത ശാരീരികക്ഷമത ഇല്ലാത്ത ജീവനക്കാരെ ജോലിയില്‍ നിന്ന് മാറ്റി നിര്‍ത്താനും (ഉലൃീലെേൃശിഴ) ശമ്പളം തടയാനും സാധ്യതയുണ്ട്. ബോഡി മാസ് ഇന്‍ഡക്സ് (BMI) അടിസ്ഥാനമാക്കിയായിരിക്കും ഈ പരിശോധനകള്‍.

പ്രധാന നിയമങ്ങള്‍:
അനുവദനീയമായ അളവ്: ബി.എം.ഐ 18~നും 24.9~നും ഇടയിലുള്ളവരെ 'നോര്‍മല്‍' വിഭാഗത്തില്‍ ഉള്‍പ്പെടുത്തും. ഇവര്‍ക്ക് തടസ്സമില്ലാതെ ജോലിയില്‍ തുടരാം.

ഭാരക്കുറവും അമിതഭാരവും: ബി.എം.ഐ 18~ല്‍ താഴെയുള്ളവരും (Underweight), 25നും 29.9~നും ഇടയിലുള്ളവരും (ഛ്ലൃംലശഴവേ) പ്രത്യേക മെഡിക്കല്‍ പരിശോധനകള്‍ക്കും കായികക്ഷമതാ പരീക്ഷകള്‍ക്കും വിധേയരാകണം. ഇതില്‍ പരാജയപ്പെടുന്നവരെ വിമാന സര്‍വീസുകളില്‍ നിന്ന് മാറ്റി നിര്‍ത്തുകയും ശമ്പളം നല്‍കുന്നത് തടയുകയും ചെയ്യും.

അമിതവണ്ണം (Obesity): ബി.എം.ഐ 30~ന് മുകളിലുള്ളവരെ 'അമിതവണ്ണമുള്ളവര്‍' ആയി കണക്കാക്കി ഉടനടി ജോലിയില്‍ നിന്ന് മാറ്റി നിര്‍ത്തും. ഇവര്‍ക്ക് ശമ്പളം ലഭിക്കില്ല. നിശ്ചിത ദിവസങ്ങള്‍ക്കുള്ളില്‍ ഭാരം കുറച്ച് മാനദണ്ഡങ്ങള്‍ പാലിച്ചാല്‍ മാത്രമേ തിരികെ ജോലിയില്‍ പ്രവേശിക്കാന്‍ അനുവദിക്കൂ.

ടാറ്റയുടെ മാറ്റങ്ങള്‍
1932~ല്‍ ജെ.ആര്‍.ഡി ടാറ്റ സ്ഥാപിച്ച ഈ വിമാനക്കമ്പനി 1953~ല്‍ സര്‍ക്കാര്‍ ദേശസാല്‍ക്കരിച്ചിരുന്നു. എന്നാല്‍ 2022 ജനുവരിയില്‍ ടാറ്റ ഗ്രൂപ്പ് വീണ്ടും എയര്‍ ഇന്ത്യയെ ഏറ്റെടുത്തതോടെ വലിയ മാറ്റങ്ങളാണ് കമ്പനിയില്‍ നടക്കുന്നത്. ഇതിന്റെ ഭാഗമായാണ് ജീവനക്കാരുടെ കാര്യക്ഷമതയും ആരോഗ്യവും വര്‍ദ്ധിപ്പിക്കാന്‍ പുതിയ നയങ്ങള്‍ കൊണ്ടുവരുന്നത്.

എന്താണ് ബി.എം.ഐ (BMI)?

ശരീരത്തിന്റെ ഉയരവും ഭാരവും തമ്മിലുള്ള അനുപാതമാണിത്. എന്നാല്‍ ഇത് എത്രത്തോളം കൃത്യമാണെന്നതില്‍ തര്‍ക്കങ്ങളുണ്ട്. പേശികള്‍ കൂടുതലുള്ള കായികതാരങ്ങളെപ്പോലും ബി.എം.ഐ 'അമിതഭാരമുള്ളവര്‍' ആയി തെറ്റായി രേഖപ്പെടുത്താന്‍ സാധ്യതയുണ്ടെന്ന് ആരോഗ്യ വിദഗ്ധര്‍ ചൂണ്ടിക്കാട്ടുന്നു. എങ്കിലും, വലിയൊരു വിഭാഗം ആളുകളുടെ ശാരീരികാവസ്ഥ പെട്ടെന്ന് മനസ്സിലാക്കാന്‍ എളുപ്പവഴിയെന്ന നിലയിലാണ് എയര്‍ ഇന്ത്യ ഈ രീതി സ്വീകരിച്ചിരിക്കുന്നത്.