പ്രധാന വിവരങ്ങള്‍:
സ്മാര്‍ട്ട്ഫോണുകളെയും ടാബ്ലെറ്റുകളെയും ബാധിക്കുമോ? സാധാരണക്കാരുടെ കൈവശമുള്ള ഫോണുകളെയോ ടാബ്ലെറ്റുകളെയോ ഈ സുരക്ഷാ വീഴ്ച നേരിട്ട് ബാധിക്കില്ല. പ്രശ്നം വ്യക്തിഗത ഡിവൈസുകളിലല്ല, മറിച്ച് വെബ്സൈറ്റുകള്‍ ഹോസ്ററ് ചെയ്തിരിക്കുന്ന സെര്‍വറുകളിലാണ് ഉള്ളത്.
ഏതൊക്കെ സേവനങ്ങളെയാണ് ബാധിക്കുന്നത്? അതോറിറ്റി
പോര്‍ട്ടലുകള്‍, ക്ളിനിക്കുകളുടെ വെബ്സൈറ്റുകള്‍, വിവിധ ഓണ്‍ലൈന്‍ സേവനങ്ങളുടെ കസ്ററമര്‍ ഏരിയകള്‍ എന്നിവയാണ് നിലവില്‍ പ്രധാനമായും ഓഫ്ലൈനിലുള്ളത്. ഹാക്കര്‍മാര്‍ക്ക് സെര്‍വറുകളുടെ നിയന്ത്രണം ഏറ്റെടുക്കാനും ഡാറ്റ ചോര്‍ത്താനും ഇതിലൂടെ സാധിച്ചേക്കുമെന്നതിനാലാണ് മുന്‍കരുതല്‍ നടപടിയായി ഇവ വിച്ഛേദിച്ചിരിക്കുന്നത്.
വ്യക്തിഗത ഡാറ്റ സുരക്ഷിതമാണോ?
സുരക്ഷാ അപ്ഡേറ്റുകള്‍ ഇന്‍സ്ററാള്‍ ചെയ്യാത്ത വെബ്സൈറ്റുകളിലെ ഉപയോക്തൃ വിവരങ്ങളും പാസ്വേഡുകളും അപകടത്തിലാകാന്‍ സാധ്യതയുണ്ട്. അതിനാല്‍ പ്രമുഖ വെബ്സൈറ്റുകളും ഓണ്‍ലൈന്‍ സേവനങ്ങളും നല്‍കുന്ന ഔദ്യോഗിക നിര്‍ദ്ദേശങ്ങള്‍ കര്‍ശനമായി പാലിക്കുക.
ഉപയോക്താക്കള്‍ ശ്രദ്ധിക്കേണ്ട കാര്യങ്ങള്‍:
അപരിചിതമായ ലിങ്കുകളില്‍ ക്ളിക്ക് ചെയ്യാതിരിക്കുക.
പ്രധാനപ്പെട്ട ഓണ്‍ലൈന്‍ അക്കൗണ്ടുകളുടെ പാസ്വേഡുകള്‍ മാറ്റുകയോ ടൂ~ഫാക്ടര്‍ ഓതന്റിക്കേഷന്‍ (2FA) സജീവമാക്കുകയോ ചെയ്യുക.
ഹോസ്ററിങ് സൈറ്റുകളോ ബ്ളോഗുകളോ നടത്തുന്നവര്‍ അതത് പ്രൊവൈഡര്‍മാരുമായി ബന്ധപ്പെട്ട് പിഎച്ച്പി (PHP) അപ്ഡേറ്റുകള്‍ പൂര്‍ണ്ണമാണെന്ന് ഉറപ്പുവരുത്തുക.
സാഹചര്യങ്ങള്‍ വിലയിരുത്തിക്കൊണ്ട് വിദഗ്ധര്‍ നല്‍കുന്ന ജാഗ്രതാ നിര്‍ദ്ദേശങ്ങള്‍ തുടരുകയാണ്. കൂടുതല്‍ വിവരങ്ങള്‍ക്കായി പ്രവാസി ഓണ്‍ലൈനുമായി ബന്ധപ്പെട്ടിരിക്കുക.
Comments: