മോസ്കോ: ഇന്ത്യന്‍ പ്രധാനമന്ത്രി നരേന്ദ്ര മോദിക്ക് റഷ്യ "ഓര്‍ഡര്‍ ഓഫ് സെന്റ് ആന്‍ഡ്രൂ ദ അപോസ്തല്‍' മെഡല്‍ സമ്മാനിച്ചു. റഷ്യയുടെ പരമോന്നത സിവിലിയന്‍ ബഹുമതിയാണിത്. പ്രസിഡന്റ് വ്ലാദ്മിര്‍ പുടിന്‍ തന്നെയാണ് ഇന്ത്യന്‍ പ്രധാനമന്ത്രിയെ മെഡല്‍ അണിയിച്ചത്.
യേശു ക്രിസ്തുവിന്റെ ആദ്യ അപോസ്തലനായ ആന്‍ഡ്രൂ പുണ്യാളന്റെ പേരില്‍ 1698ല്‍ സാര്‍ ചക്രവര്‍ത്തിയായ പീറ്റര്‍ ദ ഗ്രേറ്റ് ഏര്‍പ്പെടുത്തിയ ഈ ബഹുമതി ലഭിക്കുന്ന ആദ്യ ഇന്ത്യന്‍ നേതാവാണ് മോദി. ക്രെംലിനിലെ സെന്റ്. ആന്‍ഡ്രൂ ഹാളിലായിരുന്നു ചടങ്ങ്. ഇന്ത്യ~റഷ്യ ബന്ധം ശക്തിപ്പെടുത്താന്‍ നല്‍കിയ സംഭാവനകള്‍ പരിഗണിച്ചാണ് ബഹുമതി. 2019ല്‍ പ്രഖ്യാപിച്ച അവാര്‍ഡാണിത്.
ഇത് ഇന്ത്യയിലെ ജനങ്ങള്‍ക്കും ഇന്ത്യ~റഷ്യ സൗഹൃദത്തിനുമായി സമര്‍പ്പിക്കുന്നതായി അവാര്‍ഡ് സ്വീകരിച്ച് മോദി പറഞ്ഞു. 140 കോടി ഇന്ത്യക്കാര്‍ക്കുള്ള അംഗീകാരമാണിതെന്ന് അദ്ദേഹം കൂട്ടിച്ചേര്‍ത്തു.
Comments: