ഫ്ളോറിഡയില്‍ വിമാനം തകര്‍ന്നുവീണ് ഒമ്പത് മരണം; കൊല്ലപ്പെട്ട സഹവൈമാനികയ്ക്ക് പ്രായം വെറും 20 വയസ്സ്

വെസ്ററ് പാം ബീച്ച് : അമേരിക്കയിലെ ഫ്ളോറിഡയില്‍ സ്വകാര്യ ജെറ്റ് വിമാനം തകര്‍ന്നുവീണുണ്ടായ അപകടത്തില്‍ ഒമ്പത് പേര്‍ക്ക് ദാരുണാന്ത്യം. ഞായറാഴ്ച പാം ബീച്ച് കൗണ്ടിയില്‍ തകര്‍ന്നുവീണ 'ലിയര്‍ജെറ്റ് 60' (Learjet 60) വിമാനത്തിലുണ്ടായിരുന്ന മുഴുവന്‍ യാത്രക്കാരും ജീവനക്കാരുമാണ് മരിച്ചത്. അപകടത്തില്‍ മരിച്ച വിമാനത്തിന്റെ സഹവൈമാനിക (CoPilot) നതാലിയ ജി.~യ്ക്ക് (ചമവേമഹശമ ഏ.) വെറും 20 വയസ്സ് മാത്രമായിരുന്നു പ്രായമെന്ന വിവരം ഏവരെയും കണ്ണീരിലാഴ്ത്തിയിരിക്കുകയാണ്.

പതിനേഴാം വയസ്സില്‍ പൈലറ്റ് ലൈസന്‍സ് നേടിയ മിടുക്കി

ചെറുപ്പം മുതല്‍ വൈമാനികയാകാന്‍ ആഗ്രഹിച്ചിരുന്ന നതാലിയ 2020~ല്‍ പരിശീലനം ആരംഭിക്കുകയും തന്റെ 17~ാം വയസ്സില്‍ ചെറുവിമാനങ്ങള്‍ പറത്താനുള്ള പൈലറ്റ് ലൈസന്‍സ് സ്വന്തമാക്കുകയും ചെയ്തിരുന്നു. കൊമേഴ്സ്യല്‍ പൈലറ്റ് ആകുക എന്ന വലിയ സ്വപ്നവുമായി മുന്നോട്ട് പോകുന്നതിനിടെയാണ് അപ്രതീക്ഷിത ദുരന്തം നതാലിയയുടെ ജീവനെടുത്തത്. നതാലിയയുടെ മാതാവ് റെജീനയാണ് മകള്‍ അപകടത്തില്‍പ്പെട്ട വിവരം സ്ഥിരീകരിച്ചത്.

അവസാന സന്ദേശം: "മേയ്ഡേ, ഞങ്ങള്‍ തകര്‍ന്നുവീഴാന്‍ പോകുന്നു"

ടെക്സസിലെ ഓസ്ററിനില്‍ നിന്ന് ബഹാമാസിലേക്ക് പോവുകയായിരുന്ന വിമാനം തെക്കന്‍ ഫ്ലോറിഡയ്ക്ക് മുകളില്‍ വെച്ചാണ് അപ്രതീക്ഷിതമായി നിയന്ത്രണം വിട്ട് താഴേക്ക് പതിച്ചത്. മിനിറ്റില്‍ 20,000 അടി മുതല്‍ 32,000 അടിയിലധികം (ഏകദേശം 9,754 മീറ്റര്‍) വേഗതയിലാണ് വിമാനം ഭൂമിയിലേക്ക് കൂപ്പുകുത്തിയത്. നിലത്തിടിച്ച് വിമാനം അഗ്നിഗോളമായി മാറുന്നതിന് തൊട്ടുമുമ്പ്, "മേയ്ഡേ, മേയ്ഡേ, ഞങ്ങള്‍ നിലത്തേക്ക് തകര്‍ന്നുവീഴാന്‍ പോകുന്നു" എന്ന പൈലറ്റുമാരുടെ അവസാന റേഡിയോ സന്ദേശവും പുറത്തുവന്നിട്ടുണ്ട്.

അപകടത്തിന്റെ യഥാര്‍ത്ഥ കാരണം ഇനിയും വ്യക്തമായിട്ടില്ല. വിമാനത്തിന്റെ ബ്ളാക്ക് ബോക്സ് (Flight Recorder) കണ്ടെത്തി യു.എസ് നാഷണല്‍ ട്രാന്‍സ്പോര്‍ട്ടേഷന്‍ സേഫ്റ്റി ബോര്‍ഡ് വിശദമായ അന്വേഷണം ആരംഭിച്ചിട്ടുണ്ട്.