ഇസ്രായേലില്‍ നിര്‍ണ്ണായക രാഷ്ട്രീയ മാറ്റം; ബെഞ്ചമിന്‍ നെതന്യാരുവിന് തിരിച്ചടി നല്‍കി ഗാഡി ഐസന്‍കോട്ടിനെ സര്‍ക്കാര്‍ രൂപീകരിക്കാന്‍ ക്ഷണിച്ച് പ്രസിഡന്റ്

ജെറുസലേം: ഇസ്രായേലില്‍ നീണ്ട രാഷ്ട്രീയ അനിശ്ചിതത്വത്തിനൊടുവില്‍ പുതിയ സര്‍ക്കാരുണ്ടാക്കാന്‍ മുന്‍ സൈനിക മേധാവിയും സെന്‍ട്രിസ്ററ് യാഷാര്‍ പാര്‍ട്ടി നേതാവുമായ ഗാഡി ഐസന്‍കോട്ടിനെ പ്രസിഡന്റ് ഐസക് ഹെര്‍സോഗ് ചുമതലപ്പെടുത്തി. ഒക്ടോബറില്‍ നടന്ന ഇസ്രായേല്‍ തിരഞ്ഞെടുപ്പില്‍ നിലവിലുള്ള പ്രധാനമന്ത്രി ബെഞ്ചമിന്‍ നെതന്യാഹുവുമായി കടുത്ത മത്സരമാണ് നടന്നത്.

തിരഞ്ഞെടുപ്പ് ചിത്രവും പുതിയ സമവാക്യങ്ങളും:

സീറ്റ് നില: ഒക്ടോബറിലെ തിരഞ്ഞെടുപ്പില്‍ നെതന്യാഹുവിന്റെ ക്യാമ്പയിന്‍ 53 സീറ്റുകള്‍ ലഭിച്ചപ്പോള്‍, ബെഞ്ചമിന്‍ നെതന്യാഹുമിനെതിരെ രൂപീകരിച്ച പ്രതിപക്ഷ സഖ്യത്തിന് 48 സീറ്റുകളാണ് നേടാനായത്. ഇസ്രായേല്‍ പാര്‍ലമെന്റായ നെസെറ്റില്‍ (Knesset) സര്‍ക്കാര്‍ രൂപീകരിക്കാന്‍ ആവശ്യമായ ഭൂരിപക്ഷമായ 61 സീറ്റുകള്‍ ആര്‍ക്കും ലഭിച്ചിരുന്നില്ല.

നെതന്യാഹുവുമായി ചേര്‍ന്ന് പ്രവര്‍ത്തിക്കില്ലെന്ന് അറബ് പാര്‍ട്ടി നേതാക്കള്‍ വ്യക്തമാക്കുകയും, ഗാഡി ഐസന്‍കോട്ടിനെ പിന്തുണയ്ക്കുമെന്ന് അറിയിക്കുകയും ചെയ്തതോടെയാണ് വഴിതെളിഞ്ഞത്.

ശനിയാഴ്ച വൈകുന്നേരമാണ് പ്രസിഡന്റ് ഐസക് ഹെര്‍സോഗ് തന്റെ തീരുമാനം ഔദ്യോഗികമായി പ്രഖ്യാപിച്ചത്. ഞായറാഴ്ച നടക്കുന്ന ഔദ്യോഗിക ചടങ്ങില്‍ ഗാഡി ഐസന്‍കോട്ടിന് സര്‍ക്കാര്‍ രൂപീകരിക്കാനുള്ള മാന്‍ഡേറ്റ് കൈമാറും.

മുന്നിലുള്ള വെല്ലുവിളികള്‍:

സര്‍ക്കാര്‍ രൂപീകരിക്കുന്നതിനായി ഗാഡി ഐസന്‍കോട്ടിന് ഇനി 28 ദിവസത്തെ സമയമാണ് ലഭിക്കുന്നത്. 61 വോട്ടുകള്‍ ഉറപ്പിച്ച് സഖ്യം രൂപീകരിക്കുക എന്നത് സങ്കീര്‍ണ്ണമായ ചര്‍ച്ചകളിലൂടെ മാത്രമേ സാധ്യമാകൂ. ആവശ്യമാണെങ്കില്‍ പ്രസിഡന്റിന് 14 ദിവസത്തെ അധിക സമയം കൂടി നല്‍കാന്‍ സാധിക്കും. ഒരുപക്ഷേ ഐസന്‍കോട്ട് പരാജയപ്പെടുകയാണെങ്കില്‍, ഇസ്രായേല്‍ വീണ്ടും തിരഞ്ഞെടുപ്പിലേക്ക് നീങ്ങേണ്ടി വരും.

ഇസ്രായേലില്‍ ദീര്‍ഘകാലം ഭരണത്തിലിരുന്ന ബെഞ്ചമിന്‍ നെതന്യാഹുവിന്റെ രാഷ്ട്രീയ ആധിപത്യത്തിന് അന്ത്യം കുറിച്ചുകൊണ്ട് പുതിയൊരു ഭരണകൂടം അധികാരത്തില്‍ വരുമോയെന്നാണ് ലോകം ഉറ്റുനോക്കുന്നത്.