Advertisements
|
ഇന്ത്യ ~ പാക്കിസ്ഥാന്‍ പ്രശ്നം: വിമാന സര്‍വീസുകള്‍ വൈകും
ന്യൂഡല്‍ഹി: ഉത്തരേന്ത്യയില്‍ നിന്ന് പടിഞ്ഞാറു ഭാഗത്തേക്കും തിരിച്ചുമുള്ള വിമാനങ്ങള്‍ വൈകാനോ വഴിതിരിച്ചു വിടാനോ സാധ്യതയുണ്ടെന്ന് ഡയറക്റ്ററേറ്റ് ഒഫ് സിവില്‍ ഏവിയേഷന്‍സിന്‍റെ മുന്നറിയിപ്പ്. യാത്രാ ദൈര്‍ഘ്യം കൂടുന്നതിനാല്‍ ഇന്ധനം നിറയ്ക്കാന്‍ ഇടയ്ക്ക് വിമാനം ഇറക്കേണ്ട സാഹചര്യവും ഉണ്ടാകാം.
ഇന്ത്യന്‍ വിമാനങ്ങള്‍ക്ക് പാക്കിസ്ഥാനു മുകളില്‍ കൂടിയുള്ള വ്യോമ പാതയില്‍ പ്രവേശനം നിഷേധിച്ചിരിക്കുന്ന പശ്ചാത്തലത്തിലാണ് മുന്നറിയിപ്പ്. ഇതു സംബന്ധിച്ച്, വിമാനം പുറപ്പെടും മുന്‍പ് തന്നെ യാത്രക്കാരെ കൃത്യമായി ധരിപ്പിച്ചിരിക്കണമെന്നും വിമാനക്കമ്പനികള്‍ക്ക് മാര്‍ഗനിര്‍ദേശം നല്‍കിയിട്ടുണ്ട്.
ഇന്ധനം നിറയ്ക്കുന്നത് അടക്കമുള്ള സാങ്കേതിക കാരണങ്ങളാല്‍ ഇടയ്ക്ക് വിമാനം ഇറക്കേണ്ടി വന്നാല്‍ യാത്രക്കാര്‍ വിമാനത്തില്‍ തന്നെ തുടരണമെന്നാണ് നിര്‍ദേശം. യാത്രാ സമയം നീണ്ടുപോയാല്‍ യാത്രക്കാര്‍ക്ക് ആവശ്യമായ ഭക്ഷണ~പാനീയങ്ങള്‍ വിമാനത്തില്‍ കരുതണമെന്നും ഡിജിസിഎ സിഎഫ്ഒ ക്യാപ്റ്റന്‍ ശ്വേത സിങ് പുറപ്പെടുവിച്ച മാര്‍ഗനിര്‍ദേശത്തില്‍ പറയുന്നു.
ഇടയ്ക്ക് ഇറങ്ങേണ്ടി വരുന്ന സാഹചര്യമുണ്ടായാല്‍, മതിയായ വൈദ്യ സഹായവും ഗ്രൗണ്ട് ആംബുലന്‍സും അടക്കം സൗകര്യങ്ങളുള്ള വിമാനത്താവളങ്ങളിലായിരിക്കണം എന്നും ഉറപ്പാക്കണം. പ്രതീക്ഷിച്ചതിലും ദൈര്‍ഘ്യമേറിയ യാത്രയില്‍ യാത്രക്കാര്‍ക്ക് ഉണ്ടാകാവുന്ന ക്ഷീണം, അസ്വസ്ഥത, മറ്റ് ആരോഗ്യ പ്രശ്നങ്ങള്‍ എന്നിവയെക്കുറിച്ച് വിമാനത്തിലെ ജീവനക്കാര്‍ക്കും കൃത്യമായ മാര്‍ഗനിര്‍ദേശം നല്‍കണം.
ഡല്‍ഹി, അമൃത്സര്‍, ചണ്ഡിഗഡ്, ലഖ്നൗ എന്നീ ഉത്തരേന്ത്യന്‍ വിമാനത്താവളങ്ങള്‍ക്കും, യുഎഇ, പശ്ചിമേഷ്യ, യൂറോപ്പ്, യുകെ, വടക്കേ അമെരിക്ക എന്നിവിടങ്ങള്‍ക്കും ഇടയിലുള്ള സര്‍വീസുകള്‍ക്കാണ് ഇതു പ്രധാനമായും ആവശ്യം വരുന്നത്.
എയര്‍ ഇന്ത്യ, ഇന്‍ഡിഗോ, സ്പൈസ്ജെറ്റ് എന്നീ ഇന്ത്യന്‍ വിമാനക്കമ്പനികള്‍ ഈ റൂട്ടുകളില്‍ സര്‍വീസ് നടത്തുന്നുണ്ട്.
കേരളം അടക്കം തെക്കന്‍ സംസ്ഥാനങ്ങളില്‍ നിന്നും, മുംബൈ അടക്കം പടിഞ്ഞാറന്‍ വിമാനത്താവളങ്ങളില്‍നിന്നും കോല്‍ക്കത്ത പോലുള്ള കിഴക്കന്‍ വിമാനത്താവളങ്ങളില്‍നിന്നുമുള്ള സര്‍വീസുകളെ ബാധിക്കില്ലെന്നാണ് കരുതുന്നത്. |
|
- dated 27 Apr 2025
|
|
|
|
Comments:
Keywords: Europe - Otta Nottathil - india_pakistan_western_flights Europe - Otta Nottathil - india_pakistan_western_flights,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
