Europe - Otta Nottathil - sweeden_malayalee_campaign_air_india_flights

Advertisements

സ്റേറാക്ഹോം~ഡല്‍ഹി എയര്‍ ഇന്ത്യ സര്‍വീസ് പുനരാരംഭിക്കാന്‍ സ്വീഡനിലെ ഇന്ത്യന്‍ സമൂഹത്തിന്റെ ക്യാമ്പയിന്‍ ശക്തമാവുന്നു

ജോസ് കുമ്പിളുവേലില്‍

Photo #2 - Europe - Otta Nottathil - sweeden_malayalee_campaign_air_india_flights_resume

സ്റേറാക്ഹോം: എയര്‍ ഇന്ത്യയുടെ സ്റേറാക്ഹോം~ഡല്‍ഹി നേരിട്ടുള്ള വിമാനസര്‍വീസ് പുനരാരംഭിക്കണമെന്നാവശ്യപ്പെട്ട് സ്വീഡനിലെ ഇന്ത്യന്‍ സമൂഹം സിവില്‍ വ്യോമയാന മന്ത്രാലയത്തിന് അപേക്ഷ നല്‍കി.

സ്റേറാക്ഹോം ~ ഡല്‍ഹി എയര്‍ ഇന്ത്യ സര്‍വീസ് പുനരാരംഭിക്കാന്‍ ശക്തമായ ക്യാമ്പയിനാണ് തുടങ്ങിയത്. നോര്‍ക്ക റൂട്ട്സ് വഴി കേന്ദ്ര സിവില്‍ വ്യോമയാന മന്ത്രാലയത്തിന് കത്തയച്ച് കാത്തിരിക്കുകയാണ് സ്വീഡനിലെ ഇന്ത്യന്‍ സമൂഹം.

ടാറ്റായുടെ എയര്‍ ഇന്ത്യ ഏറ്റടുക്കലും കോവിഡ് മഹാമാരിക്കും ശേഷം നിര്‍ത്തലാക്കിയ സ്റേറാക്ക്ഹോം~ഡല്‍ഹി വിമാനസര്‍വീസ് ഇതുവരെയും പുനരാരംഭിച്ചിട്ടില്ല. ഇന്ത്യയിലേക്ക് നേരിട്ട് വിമാനസര്‍വീസ് ഇല്ലാത്ത ചുരുക്കം ചില യൂറോപ്യന്‍ രാജ്യങ്ങളില്‍ ഒന്നായി മാറിയിരിക്കുകയാണ് സ്വീഡന്‍.

നിലവില്‍ മിഡില്‍ ഈസ്ററ് വഴിയാണ് സ്റേറാക്ക്ഹോമില്‍നിന്നും ഇന്ത്യയിലേക്ക് വേഗത്തില്‍ എത്തിച്ചേരാനുള്ള മാര്‍ഗം. ഈ സെക്ടറില്‍ അധികം വിമാനങ്ങള്‍ സര്‍വീസ് നടത്താത്തതിന്റെ മുഖ്യകാരണം ഉയര്‍ന്ന നിരക്കുകളാണ് വിമാനകമ്പനികള്‍ വാങ്ങുന്നത്. കോവിഡിന് മുന്‍പ് നാലായിരം മുതല്‍ ആറായിരം (32000/48000 ഇന്ത്യന്‍ രൂപ ) സ്വീഡിഷ് ക്രോണര്‍ ആയിരുന്ന വിമാനനിരക്ക് ഇന്ന് പതിനായിരം മുതല്‍ ഇരുപതിനായിരം വരെ (80000/160000 ഇന്ത്യന്‍ രൂപ )എത്തി നില്‍ക്കുകയാണ്. കനത്ത ചാര്‍ജ്ജ് ഈടാക്കുന്നതുമൂലം ഇന്ത്യയിലേക്ക് യാത്ര ചെയുന്ന വിദ്യാര്‍ഥികള്‍, ബിസിനസുകാര്‍, വിദേശ വിനോദ സഞ്ചാരികള്‍ തുടങ്ങിയവരെ വലക്കുന്നതായി ക്യാമ്പയിന്‍ തുടങ്ങിവെച്ച സ്വീഡനില്‍ നിന്നുള്ള ലോക കേരള സഭാംഗം ജിനു സാമുവേല്‍ പറഞ്ഞു.

വര്‍ഷത്തില്‍ ഒരിക്കലെങ്കിലും ജന്മനാട്ടിലേക്ക് യാത്രചെയ്തിരുന്ന പലരും നിലവില്‍ രണ്ടും മൂന്നും വര്‍ഷം കൂടുമ്പോള്‍ ഒരിക്കല്‍ മാത്രമായി ഇന്ത്യയിലേക്കുള്ള യാത്ര ചുരുക്കിയിരിക്കുകയാണ്.

ഇന്ത്യയും സ്വീഡനും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതിന്റെ ഭാഗമായി സ്വീഡിഷ് വിദേശകാര്യ മന്ത്രി മരിയ മാല്‍മര്‍ രണ്ടാഴ്ച്ച മുന്‍പ് ഇന്ത്യ സന്ദര്‍ശിച്ചിരുന്നു.

സന്ദര്‍ശനത്തിന്റെ ഭാഗമായി, സ്വീഡന്‍~ഇന്ത്യന്‍ ബിസിനസ് മീറ്റിംഗില്‍ പങ്കെടുത്ത മരിയ മാല്‍മര്‍, ഇരുരാജ്യങ്ങള്‍ക്കിടയിലെ വാണിജ്യ~വ്യാപാര സഹകരണം കൂടുതല്‍ വിപുലീകരിക്കുന്നതിനെക്കുറിച്ചും ചര്‍ച്ചകള്‍ നടത്തി.

അതുകൊണ്ടുതന്നെ ഇന്ത്യയും സ്വീഡനും തമ്മിലുള്ള വാണിജ്യ വ്യാപാരരംഗത്തെ ബന്ധം ശക്തിപ്പെടുത്തുന്നതിനായി നേരിട്ടുള്ള വിമാന സര്‍വീസ് വലിയൊരു പങ്കു വഹിക്കുമെന്ന് ജിനു സാമുവേല്‍ കൂട്ടിച്ചേര്‍ത്തു.

ഇന്ത്യയിലേക്കും തിരിച്ചും യാത്ര ചെയ്യുന്ന പ്രവാസികള്‍, വിദ്യാര്‍ത്ഥികള്‍, ബിസിനസുകാര്‍, ടൂറിസ്ററുകള്‍ തുടങ്ങിയവര്‍ക്ക് ഈ സര്‍വീസ് അനിവാര്യമാണ്. യൂറോപ്പില്‍ നിന്നും നിലവില്‍ നേരിട്ടുള്ള വിമാനസര്‍വീസ് ഇല്ലാത്ത കേരളം പോലുള്ള സംസ്ഥാനങ്ങളിലേക്ക് യാത്ര ചെയുന്നവരെയാണ് എയര്‍ ഇന്ത്യയുടെ അഭാവം ഏറെ ബാധിക്കുന്നത്.

നേരിട്ടുള്ള സര്‍വീസ്, യാത്രാ സമയം, ചെലവ് എന്നിവ ഗണ്യമായി കുറയ്ക്കുന്നതിനൊപ്പം രണ്ട് രാജ്യങ്ങളുടെയും ജനങ്ങള്‍ക്കിടയിലെ ബന്ധം കൂടുതല്‍ ശക്തമാക്കുകയും ഇന്ത്യയുടെ വിനോദസഞ്ചാരരംഗത്തും സഹായകരമാകും.

സ്വീഡനിലെ ഇന്ത്യന്‍ പ്രവാസികള്‍ സിവില്‍ വ്യോമയാന മന്ത്രാലയത്തിന്റെയും എയര്‍ ഇന്ത്യയുടേയും അനുകൂല പ്രതികരണത്തിനായി കാത്തിരിപ്പ് തുടങ്ങിയിട്ട് നാളുകളായി. മന്ത്രാലയത്തിന് നല്‍കിയ അപേക്ഷ കൂടാതെ ഒരു ഓണ്‍ലൈന്‍ പെറ്റീഷന്‍ തുടങ്ങി വെച്ചിരിക്കുകയാണ് ഇവിടുത്തെ പ്രവാസികള്‍. ചുരുങ്ങിയ സമയംകൊണ്ട് നിരവധി പ്രവാസികളാണ് ഈ പെറ്റീഷന്റെ ഭാഗമായി ശക്തമായി രംഗത്തുള്ളത്.

Petition link :https://www.change.org/p/petitiontorestartairindiasstockholmtodelhiflight?recruiter=1367345734&recruited_by_id=46728310fb2b11efa74ca3eca033a39f&utm_source=sharepersonal&utm_campaign=starter_onboarding_share_flow&utm_medium=copylink

- dated 15 Apr 2025

Comments:

Keywords: Europe - Otta Nottathil - sweeden_malayalee_campaign_air_india_flights_resume Europe - Otta Nottathil - sweeden_malayalee_campaign_air_india_flights_resume,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles:

1000 ടണ്‍ സഹാറന്‍ പൊടി യൂറോപ്പിലേക്ക് ഓസ്ട്രിയയിലും ജര്‍മ്മനിയിലും രക്ത മഴ മുന്നറിയിപ്പ് Recent or Hot News

തുടര്‍ന്നു വായിക്കുക

ട്രംപിന്റെ കണ്ണ് യുക്രെയ്നിലെ ലിഥിയം നിക്ഷേപത്തില്‍ Recent or Hot News

തുടര്‍ന്നു വായിക്കുക

പുതിയ സ്മാര്‍ട്ട് ഗ്ളാസ് രംഗത്തിറക്കാന്‍ ഗൂഗിളും സാംസങ്ങും ഒരുമിക്കുന്നു Recent or Hot News

തുടര്‍ന്നു വായിക്കുക

ഗ്രൂപ്പ് ചാറ്റിലും ഓണ്‍ലൈന്‍ ഇന്‍ഡിക്കേറ്റര്‍; മാറ്റങ്ങളുമായി വാട്സാപ്പ് Recent or Hot News

തുടര്‍ന്നു വായിക്കുക

വളര്‍ത്തുമൃഗങ്ങളെ മനുഷ്യരാക്കുന്ന വിദ്യയുമായി ചാറ്റ്ജിപിടി Recent or Hot News

തുടര്‍ന്നു വായിക്കുക

russia_attack_ukraine_india_pharma_company

റഷ്യന്‍ ആക്രമണത്തില്‍ യുക്രെയ്നിലെ ഇന്ത്യന്‍ ഫാര്‍മ കമ്പനി വെയര്‍ഹൗസ് തകര്‍ന്നു
തുടര്‍ന്നു വായിക്കുക

List all titles