America - Finance - trump_navarro_musk_reciprocal

Advertisements

താരിഫ് യുദ്ധം: ട്രംപിന്റെ സംഘത്തില്‍ ഭിന്നത

Photo #1 - America - Finance - trump_navarro_musk_reciprocal_tariff

വാഷിങ്ടണ്‍: പകരത്തീരുവയില്‍ പരസ്പരം പോരടിച്ച് യുഎസ് പ്രസിഡന്‍റ് ഡോണള്‍ഡ് ട്രംപിന്‍റെ വിശ്വസ്തര്‍. അമെരിക്കന്‍ ശതകോടീശ്വരനും രണ്ടാം ട്രംപ് സര്‍ക്കാരില്‍ കാര്യക്ഷമതാ വകുപ്പ് തലവനുമായ ഇലോണ്‍ മസ്കും ട്രംപിന്‍റെ ഉന്നത വ്യാപാര ഉപദേഷ്ടാവായ പീറ്റര്‍ നവാരോയെയും തമ്മിലാണ് ഇപ്പോള്‍ വാക്പോര്.

പീറ്റര്‍ നവാരോയെ മണ്ടനും വിഡ്ഢിയുമെന്നാണ് മസ്ക് പരിഹസിച്ചത്. ട്രംപ് നടപ്പാക്കുന്ന താരിഫ് നയങ്ങളെ പറ്റിയുള്ള അഭിപ്രായ വ്യത്യാസമാണ് മറ നീക്കി പുറത്തു വന്നത്. തിങ്കളാഴ്ച സിഎന്‍ബിസിയ്ക്ക് നല്‍കിയ അഭിമുഖത്തിനിടെ, മസ്കിനെ വിമര്‍ശിച്ചു കൊണ്ട് നവാരോ രംഗത്തെത്തിയിരുന്നു.

മസ്ക് ഒരു കാര്‍ നിര്‍മാതാവല്ലെന്നും മറിച്ച് ടെസ്ള, വിദേശ രാജ്യങ്ങളില്‍ നിന്ന് വാഹനങ്ങള്‍ക്ക് വിലകുറഞ്ഞ ഭാഗങ്ങള്‍ വാങ്ങുന്ന ഒരു കാര്‍ അസംബ്ളര്‍ മാത്രമാണെന്നുമായിരുന്നു നവാരോയുടെ ആക്ഷേപം. പ്രധാനമായും ചൈനയില്‍ നിന്നും ജപ്പാനില്‍ നിന്നും ടെസ് ല ഇലക്ട്രിക് വാഹനങ്ങളുടെ ബാറ്ററികള്‍ ഉള്‍പ്പടെ ഇറക്കുമതി ചെയ്യുന്നു. ഇവിടെയാണ് മസ്കിന്‍റെ നിലപാടുമായുള്ള വ്യത്യാസമെന്ന് പറഞ്ഞ നവാരോ അമെരിക്കയില്‍ നിര്‍മിച്ച ഉത്പന്നങ്ങളാണ് വേണ്ടത് എന്നു പറഞ്ഞു മസ്കിനെ പരിഹസിച്ചു.

ഇന്ത്യാനാ പൊളിസില്‍ നിര്‍മിച്ച ട്രാന്‍സ്മിഷനുകളും ഫ്ലിന്‍റിലും സാഗിനാവിലും നിര്‍മിച്ച എന്‍ജിനുകളുമാണ് ഞങ്ങള്‍ക്ക് വേണ്ടത് എന്നും ഇവിടെ നിര്‍മിക്കുന്ന കാറുകള്‍ വേണമെന്നതാണ് ഞങ്ങളുടെ നിലപാട് എന്നും പീറ്റര്‍ നവാരോ പറഞ്ഞു. വിദേശ രാജ്യങ്ങളില്‍ നിന്ന് കാര്‍ ഭാഗങ്ങള്‍ വാങ്ങുന്നത് അമെരിക്കന്‍ സമ്പദ്ഘടനയ്ക്ക് ദോഷകരമാണ് എന്നും ദേശീയ സുരക്ഷയ്ക്കു തന്നെ ഭീഷണിയാണെന്നുമാണ് നവാരോയുടെ നിലപാട്.

നവാരോയുടെ അഭിമുഖത്തിന് എക്സിലൂടെയാണ് മസ്ക് മറുപടി നല്‍കിയത്.നവാരോ ശരിക്കുമൊരു വിഡ്ഢിയും മണ്ടനുമാണെന്നായിരുന്നു മസ്കിന്‍റെ പ്രതികരണം.ടെസ് ലയ്ക്ക് ഉള്ളതില്‍ ഏറ്റവും കൂടുതല്‍ അമെരിക്കന്‍ നിര്‍മിത കാറുകളാണെന്നും വാസ്തവങ്ങള്‍ അറിയാതെയാണ് നവാരോ മണ്ടത്തരം വിളിച്ചു പറയുന്നതെന്നുമായിരുന്നു മസ്കിന്‍റെ പ്രതികരണം. എന്നു തന്നെയല്ല, യുഎസിനും യൂറോപ്പിനുമിടയില്‍ സീറോ~താരിഫ് വേണമെന്നു വാദിക്കുന്ന വ്യവസായി കൂടിയാണ് മസ്ക്.

- dated 10 Apr 2025

Comments:

Keywords: America - Finance - trump_navarro_musk_reciprocal_tariff America - Finance - trump_navarro_musk_reciprocal_tariff,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles:

വ്യാപാര യുദ്ധം: യുഎസ് ~ ചൈന ബന്ധം സമ്പൂര്‍ണ തകര്‍ച്ചയിലേക്ക് Recent or Hot News

തുടര്‍ന്നു വായിക്കുക

ആഗോള വ്യാപാരയുദ്ധത്തിന് കച്ചമുറുക്കി ഡോണള്‍ഡ് ട്രംപ്
തുടര്‍ന്നു വായിക്കുക

ട്വിറ്ററിനു ശേഷം ഓപ്പണ്‍എഐക്കും വിലയിട്ട് മസ്ക്
തുടര്‍ന്നു വായിക്കുക

ട്രംപ് വന്നപ്പോള്‍ വീണ ഹിന്‍ഡന്‍ബര്‍ഗ്
തുടര്‍ന്നു വായിക്കുക

അദാനിയെ വിറപ്പിച്ച ഹിന്‍ഡന്‍ബര്‍ഗ് പ്രവര്‍ത്തനം നിര്‍ത്തുന്നു
തുടര്‍ന്നു വായിക്കുക

ഗൂഗിളിന് മൂക്കുകയറിടാന്‍ യുഎസ്
തുടര്‍ന്നു വായിക്കുക

List all titles